Tekang Kbuten 4:20 - Udél Dwata: Gna Kesfasad ne Lomi Kesfasad

²⁰ Mngà Ada, duhen Jabal. Nim Jabal ni, du gónó le gu semfu yó kem tau gel semgyok safì. Són bè tolda gónó le gel nô.

Tekang Kbuten 4:20 Referans Kwoze

Hibru 11:9

Bè yóm deng kkól le bè yó, lemwót bè yóm kehtahuhen bè Dwata, hol lómón ke olon tau milo bè yóm benwu deng fasad Dwata du yó. Là mdengen kbenwu le. Tódô gel nwit le mógów yóm gónó le nô, senged se ke tehe Isak, yóm ngaen, ne yóm tehe téméen Jakub. Deng le gotu gomong snéen kul bè yóm benwu fasad Dwata ke Abraham.

Kun Snulat Jan 8:44

Seitan yóm kuy mà ne tódô lolò ye yóm kun kóyô. Du se yóm hol sana monok lemwót bè hol kbuten. Là kóen tofi bè yóm ktahuhen. Hono kéng yóm kun, abay se yó se sana kun kmò, mò kéng. Hono kéng yóm gel tulónen. Du se hol gónón gu tembul kéng.

Tekang Kbuten 25:27

Ngangen ne deng le lembang yó kem ngà lewu yó koni. Yó kun kenhulung nmò Iso, tey hulung dmulok, són lem bnes gónóhen nô. Okóm ke Jakub kun, tey menek nawan tódô henek bè gónô le.

Tekang Kbuten 4:21

Yó boluy twoli Jabal, duhen Jubal yóm kul gónó gu semfu yó kem tau hulung hemglung ne hulung smoli.

Tekang Kbuten 4:2

Kogolen bè yó, bud mngà logi, duhen Abél. Bè yóm deng kbong yó kem lewu ngà yó, yó kun nmò Abél gel semgyok ubiha, okóm ke Kain kun fen gel mò nmò bè tonok.

Tekang Kbuten 4:19

Nim Lamik ni, lewu yehenen. Yó boluy le, Ada ne Sila.