Tekang Kbuten 4:17 - Udél Dwata: Gna Kesfasad ne Lomi Kesfasad

¹⁷ Kogolen bè yó, sentungô Kain tuha libunen ne mlutut ne mngà logi. Yó boluy le du, Inuk. Ominen wen syudad hdà Kain ne yó boluyen du Inuk yóm boluy ngaen.

Tekang Kbuten 4:17 Referans Kwoze

Kem Lingón 49:11

Yóm gónó le lembeng kul, yó se hlós kul gónó nô. Laen kô dù sónen yóm knô le bè yó, balù yóm kwen tey tehe tonok nfun le ekni.

Danyél 4:30

Yóm igoen temngel eta yóm syudaden, yó udélen, monen, “Ngem dé nim tey syudad Babilun ni, ke là se lemwóten bè yóm tey kegbeku, là kóen na a mdà mò gónóhu nô ne mò gónóhu hegfan yóm tey kegetahu.”

2 Samwél 18:18

Bè yóm hanà tolo klowil Absalum, wen kun ilô hdà bè Datal Tau Geta, yó monen, “Laen dù ngau logi mò mit du yóm dou boluy mò hentulón nawa le.” Boluy yóm hehek yó yóm kun boluy. Efet nim kmoen ni, yó taba le du Hehek Absalum.

Tekang Kbuten 11:4

Omin le bud mon du, “Na tekuy hdà yóm tey syudad mung du yóm gónô geta gefet te kmawang anì hol tekuy tótól ne là sekla tekuy ebè klamangen benwu.” Tahu se, nbut le hdà du.

Tekang Kbuten 5:22

Kogolen bè yó, bud metnù 300 halay Inuk ne tey tilob kesetngón le Dwata. Lem yó kem halay yó bud wen kem dumu ngaen.

Tekang Kbuten 5:18

Timbow deng 162 halay Jaréd, wen ngaen logi. Yó boluyen du Inuk.

Tekang Kbuten 4:16

Ne omin Kain tmagak ke Dwata ne ditu gónón nô bè yóm benwu boluyen “Ówów,” nô fi dmata kdaw yóm hungul koyu bè Idin.

Tekang Kbuten 4:18

Timbow mngà se ke Inuk, duhen Irad. Nim Irad ni, du se mà Mihudyail. Bud mngà se ke Mihudyail, duhen Mitusila yóm mà Lamik.

Kem Lingón 49:12

Balù nô kegetahen yóm tau, là kô gbeken hemseng du yóm hatay. Angat matay, lómón yó kem ógóf.