Tekang Kbuten 4:15 - Udél Dwata: Gna Kesfasad ne Lomi Kesfasad

¹⁵ Okóm yó balà Dwata du yóm udélen yó, monen, “Là. Ke wen hmatay kóm, hitu duléku he mkay du senta yóm tafaku kóm yóm kun tafak.” Duhen yó, wen ilô nmò Dwata bè Kain anì laen dù tau hmatay du ke wen gemslong du.

Tekang Kbuten 4:15 Referans Kwoze

Kem Lingón 79:12

Ó Dwata, hitu dulékem meles kul yó kem tólóng benwu hmilol me alì hemnê kóm.

Tekang Kbuten 4:24

Ke hitu dulék Dwata tmafak yóm tau hmatay ke Kain, fen hitu folò hitu duléken tmafak du ke wen tau hmatay dou.”

Deng Hegfan 14:11

Laen kô dù sónen kebel yóm ofi gónó le alì glayam. Tódô seflós kdaw ne kifu yóm tendo keheslaf yó kem tau mung hemtahu bè yóm lóbô tanay sut ne bè yóm lennged hmoen, yó kem tau deng hemmóyô du yóm ilô yóm kun boluy.”

Deng Hegfan 14:9

Ominu mton yóm getlu yóm hógów Dwata bud móyóng huli, hgelen udélen, monen, “Ke wen tau hemtahu bè yóm lóbô tanay sut ne bè yóm lennged hmoen, ne ke wen hemmóyô yóm kun ilô nmò le lem uyó le duhen ke te henmù le,

Matyu 26:52

Bè yóm kton Jisas yóm tau fen tmibó yó, bnólówen, monen, “Tenesem lem lumaken sudengem. Ngem he yóm tau smalig bè sudeng, angat bud hatayen sudeng.

Husiya 1:4

Ne yó bud mon Dwata mò ke Husiya, “Boluyem du Jisriil yóm ngaem sut yó, abay se móyón tnafaku yóm tau hol geta bè Israél mò beles yóm tehe kbonok yóm tehe fuen Jihu yó kem tey tau wen bè Jisriil. Angat lensónu yóm kogot le benwu yó kem sfu Jihu.

Kem Lingón 59:11

Okóm béem abay hnatay lu, Dwata, déke mom klifót yó kem dou tau yóm dnalang le bè yóm nmoem yó. Mlan bè kgisem hol senklahem lu, ne hol heglaanem lu, Dwata, uu se yóm kum gónó heklung.

Kem Udél Hlalak Tehe Selumun 6:31

okóm ke sok gekfô le ewenem sana kehebtad le du bè yóm knagawen baluen ke gotu yóm kdéen kimu lem gónóen.