Tekang Kbuten 4:11 - Udél Dwata: Gna Kesfasad ne Lomi Kesfasad

¹¹ Ni wen tafaku kóm ne là kóen na a mkó tahem. Là buden hyu ne kmoem nmò bè tonok, abay se deng gamà bè tonok litô twolihem bè yóm khatayem du.

Tekang Kbuten 4:11 Referans Kwoze

Glasya 3:10

Bong yó kem tau tô smalig yóm klolò le yóm hlau Musis, angat tey ktafak Dwata kul. Abay se deng monen bè Sulat Dwata, monen, “Angat tnafak Dwata yóm tau ke là gotu loloen du yóm kdê deng snulat bè yó kem hlau Musis.”Deng hónô tngón tekuy, balù sotu bè yó kem tau lemolò yóm hlau Musis ke tedeng kton Dwata kul, abay se deng monen bè Sulat Dwata, monen, “Tek sotu gónón tedeng kton Dwata du yóm tau, són bè kehtahuhen. Bud bè yó snéen gónón gmuta du yóm klowil laen dù sónen.”

Tekang Kbuten 3:14

Ne yó mon Dwata ebè yóm ulal, monen, “Bè nim nmoem ni, wen tafaku kóm. Bè kdê yó kem mowil talak tonok, tek són uu gembô du nim tafak ni. Lemwót bè nim kdaw ni, tódô sónmoem mulu se kóm ne gemken kfung bè yóm klawihem mowil.

Deng Hegfan 12:16

Okóm fen tnóbóng tonok yóm libun. Yó nmoen, tódô sgawag anì tódô gotu mlel elemen yóm él gu lem bak yóm swaga.

Isaya 26:21

Yakà mógówen edini Dwata lemwót gu bè yóm gónóhen nô bè longit nan e tnafak salà yó kem tau te tonok. Angat gotu hetngónen yó kem tau tehe monok là gfanen. Là bud gebnos tonok du se kun yóm tehe gónó le lembeng yó kem tau bnonok le.

Tekang Kbuten 4:14

Deng hdóhem ou gu bè yóm dou tonok ne hlayukem ou béléem. Ne hówówem ou, laen kô dù mtukul gónóhu nô ne. Ke wen tau mton dou, tódô hnatayen o.”

Tekang Kbuten 5:29

ne yó udélen, monen, “Lemwót bè yóm deng kgolu yóm tonok, tey kgel klowil tau lemwót bè keglayam le mò nmò. Okóm nim ngà ni, wen lanen tmóbóng kum bè yóm tey kgel klowil me.” Ne yó boluyen du yóm ngaen yó, Nuwa.