Tekang Kbuten 39:9 - Udél Dwata: Gna Kesfasad ne Lomi Kesfasad

⁹ Yóm kwalisen bè ni lem gónô, lómón yó se yóm dou kwalis, ne laen dù nalihen béléu, tek són uu yóm tuha libunen. Là kô gbeku du yóm sidek monem yó, tey salà bè Dwata yóm yó.”

Tekang Kbuten 39:9 Referans Kwoze

2 Samwél 12:13

Yó udél Dabid ebè Natan, monen, “Denge gemsalà bè Dwata.” Ne yó mon Natan mò du, “Tahu se, bede deng hnifót Dwata uu, là kói matay.

Tekang Kbuten 42:18

Bè yóm getluhen kdaw, yó mon Jusif mò kul, “Mlan bè yóm klikou ke Dwata, hlowilu yu syan ke hol nmò ye yóm hmou kuy.

Tekang Kbuten 20:6

Omin Dwata bud mon du mò ke Abimélék, “Tahu se, tngónu laen dù salaem. Yó se gónów là hemlus du kóm ke sentungóem anì là gemsalai béléu.

1 Jan 3:9

Yóm tau ke deng baling ngà Dwata, là senflósen du mò salà, yakà dengen mkél bè yóm kun kmò Dwata. Là kô gbeken du ke senflósen mò salà, abay se Dwata yóm deng Maen.

Kun Snulat Luk 12:48

Bong yóm tau ke là deng tngónen du kun yóm hol kóyô yóm gónóhen mogot, ne gmoen se kun yóm gónóhen megtafak, là katen alì mgel kboug le du. Yóm tau ke bong yóm hogot le du, bong se hendón le béléen. Ne yóm tau ke alì bong se yóm hogot le du, milud se kbongen yóm hendón le béléen.”

Kem Lingón 51:4

Béléem nim gónóhu gemsalà ni, deng gmou yóm kenbéem. Yó gónóm mon, là kóen sidek ke hensalaem ou. Bong knóón ke tnafakem ou.

1 Kurin 4:2

Tek sotu hnebel Dwata bè yóm tau tóbóng lówóhen, tek són yóm kguliten.

Job 31:23

Là gbeku mò du yóm yó lemwót bè yóm tey sidek klikou yóm tafak Dwata. Ke deng nmou yó kem yó, tô kmò kdau du bè solu yóm Dwata hol dandónen geta?

2 Samwél 11:27

Tikóng deng yó kem kdawen langag, omin Dabid hangay du, nwiten ebè gónô bongen ne yehenen, ne wen ngaen béléen logi. Okóm yóm deng nmò Dabid yó, tey sidek bè kton Dwata du.

Lista 32:23

Okóm ke là dnohò ye du yóm fasad ye ni, eles tulónu kuy bè Dwata gónó ye gemsalà. Là hewuhem du, Dwata angat tmafak kuy lemwót bè yóm salà ye yó.

Kem Udél Hlalak Tehe Selumun 6:32

Okóm yóm tau mò samuk bè tuha libun dumu tau lómón ke laen dù ledemen. Yóm tau mò du nim ni heglaen knóen.

Deng Hegfan 22:15

Okóm là kô le gusek bè yó kul yó kem tau ssamuk honon lu, yó kem tau alì smalig bè imò, yó kem tau smamuk, yó kem tau monok, ne yó kem tau hemtahu bè dwata kéng, ne yó kem tau gel mò kéng, mlan bè udél le ne mlan bè nmò le.

Hibru 13:4

Ke sok deng syehen yóm tau, hol nadat tekuy sen yóm kul kesyehen yó, bê abay kneyek lu. Ne ke deng wen yehen tekuy, hol bê tekuy abay ndà. Tnafak Dwata yóm tau smamuk ne yóm tau ndaen yehenen.

Taytus 2:10

ne bê le se abay tódô temsob. Yake lu dé yóm tau hol mfesek anì seklóón ebè yóm gel nmò le yóm dnalang le gbak ebè Dwata, yóm deng lemwà tekuy gu lem hatay.

Kem Udél Hlalak Tehe Selumun 6:29

Lómón se ni laen dù tau smamuk tuha libun dumu tau, duhen ke mogot du ke là megtafaken.

Tekang Kbuten 41:40

Nmou uu mò snaligu bè klamang nim benwu nogotu. Ne kdê yó kem tauhu, gotu nimón le uu ke wen hloloem kul. Yóm glal blayu kóm ni, hol smugung béléu.

Deng Hegfan 21:8

Okóm yó kem tau likò lemolò do, ne yó kem tau là hemtahu le béléu, yó kem tau ssamuk honon lu, ne yó kem tau monok, ne yó kem tau mò samuk, ne yó kem tau smalig bè imò, ne yó kem tau hemtahu bè dwata kéng, ne kdéen tau mò kéng, angat le gógów elem lanaw ofi yóm kdê le, yóm ofi wen kbudahen tendo seflós dmilóf. Yóm lanaw ofi yó, yó se yóm mon le gewuhen dulék matay tau.”

Tekang Kbuten 24:2

Yó mon Abraham bè yóm tuha bè yó kem gel tóbóng lówóhen, yóm tau hogoten yó kem kdê nfunen, “Hsufitem lem blóng hahahu henmuem, smafai béléu.

Tekang Kbuten 20:3

Okóm sotu kifu, hegfan bè kna Abimélék Dwata, ne monen mò du, “Dengi matay se kóm, abay se yóm libun nwahem ni, wen yehenen.”

Tekang Kbuten 13:13

Yó kem tau bè Sodom yó, hol kem tau gónón smala sidek, kem tau alì gemsalà bè Dwata.

Tekang Kbuten 20:9

Omin Abimélék htaba ke Abraham, ne monen mò du, “Tedu de nim deng nmoem bélê me ni? Tedu de deng nmou béléem sidek gónóm mò du bélê me nim ni? Moen ke lómón ni yóm salà hbóem dou dalang se yóm benwu nogotu? Là kóen hyu yóm deng nmoem béléu ni.

Tekang Kbuten 39:10

Tódô ket kdawen gel tô mbót ke Jusif, okóm là kóen móyô Jusif stungô du. Balù kehlonihen ebéléen, là kô nmoen du.

Kehewà 20:14

Bê ye abay mdà yehen.