Tekang Kbuten 39:12 - Udél Dwata: Gna Kesfasad ne Lomi Kesfasad

¹² Tódô lemwót yehen Putifar nan e kenfô nogot Jusif bè nesen, monen mò du, “Mungi dou elem dfél.” Okóm mlóy Jusif ne hewà ne mlus béléen yóm lafin nesen fi ta, tódô gtebel lem hólól yóm libun.

Tekang Kbuten 39:12 Referans Kwoze

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

Kem Udél Hlalak Tehe Selumun 6:5

ke là nam na lenwà knóem. Mkéli bè yóm onuk bnes gel hlayuk bè yóm alu nmò tau ne yóm uhu hemlóy yóm tau mlok.

Kem Udél Hlalak Tehe Selumun 5:8

Holi hlayuk béléen yóm libun lómón ni ne hol béi abay hloni ebè gónóen.

1 Kurin 15:33

Hol bê ye abay hegtondo. Bong tahu se yóm sotu gel mon le, “Ke segbóti bè yó kem tau mò sidek, tódô lana béléem yóm kehyu kmoem.”

Tekang Kbuten 39:10

Tódô ket kdawen gel tô mbót ke Jusif, okóm là kóen móyô Jusif stungô du. Balù kehlonihen ebéléen, là kô nmoen du.

Tekang Kbuten 39:8

Okóm là kóen móyô Jusif, monen mò du, “Hendemem dé, là bud wen tnafa nawa amohu du bè ni lem gónóen abay se nóe bè ni. Gotu hogoten dou kdéen.

Kem Udél Hlalak Tehe Selumun 1:15

Ó Man hol béi abay mung kul ni kem tau lómón ni ne holi hlayuk bélê le.

1 Samwél 15:27

Timbow beklil lemwót Samwél, tô nafas Sol bè tukô nesen ne ksê.

Tekang Kbuten 39:11

Sotu kdaw bè yó, husek elem gónô le Putifar Jusif, nmoen yóm sana kun gel nmò bè yó ne geslaen yóm klaen dù dumu tau gel mò nmò bè yó lem gónô.

Tekang Kbuten 39:13

Timbow ton yóm libun yó yóm lafin nes Jusif gtebel lem hólólen ne yóm klóyen ebè lewà,

2 Samwél 13:11

Okóm timbow tô henkenen, tódô ktos kteng Amnon, monen mò du, “Stungô te, libunu.”