Tekang Kbuten 39:10 - Udél Dwata: Gna Kesfasad ne Lomi Kesfasad

¹⁰ Tódô ket kdawen gel tô mbót ke Jusif, okóm là kóen móyô Jusif stungô du. Balù kehlonihen ebéléen, là kô nmoen du.

Tekang Kbuten 39:10 Referans Kwoze

Tekang Kbuten 39:8

Okóm là kóen móyô Jusif, monen mò du, “Hendemem dé, là bud wen tnafa nawa amohu du bè ni lem gónóen abay se nóe bè ni. Gotu hogoten dou kdéen.

1 Pitér 2:11

Ó kem dou dumu swè, sundu hol kut benwu du nim benwu ni, olo tekuy hlun menwu tahen. Yó gónóhu hol mon du mò kuy, bê ye bud nmung yóm sidek gel knóyô lówó ye. Yóm knóyô lówó yó, tendo gel hesbewegen yóm klolò ye ke Dwata.

2 Timuti 2:22

Holi hlayuk bè yóm dô tngónem gónóm gemsalà, yakà hanai lomi lemnok. Hol sen-galuhem yóm nawa btol, ne yóm ketnù yóm kehtahuhem bè Dwata, ne yóm kbong nawam kem dumuhem. Hol nmoem yóm gónón menek nawahem bè kem dumum tau, yakà ni du kul kmò yó kem tau gel htóbóng bè yóm gónó tekuy mogot, yó kem tau laen dù belenen yóm kehedem le.

1 Tisalunika 5:22

ne hol ye hlayuk du kuy yóm kdéen nmò sidek.

1 Kurin 15:33

Hol bê ye abay hegtondo. Bong tahu se yóm sotu gel mon le, “Ke segbóti bè yó kem tau mò sidek, tódô lana béléem yóm kehyu kmoem.”

1 Kurin 6:18

Holi hlayuk du yóm mò samuk. Balù kihu dumu salà nmò tau, là gomongen lemen yóm lówóhen. Okóm yóm tau mò samuk, gomong hensideken yóm kun lówó.

Kem Udél Hlalak Tehe Selumun 23:27

Abay se yóm libun hdóyón lómón ke du yóm sol leyóng ne yóm libun mdà yehen tundug le u e lem hatay.

Kem Udél Hlalak Tehe Selumun 22:14

Yóm ksamuk lómón ke holot gónón bkó yóm tau lenbut Dwata.

Kem Udél Hlalak Tehe Selumun 7:5

Yakà kenlung le kóm bè libun mdà yehen tô hegbóy kóm bè tilob kudélen.

Kem Udél Hlalak Tehe Selumun 5:8

Holi hlayuk béléen yóm libun lómón ni ne hol béi abay hloni ebè gónóen.

Kem Udél Hlalak Tehe Selumun 5:3

Yakà wen libun mdà yehen gel gemé lemnek ne alì hulung mudél gónón gbóy tau.

Kem Udél Hlalak Tehe Selumun 2:16

Yóm khulung hedem kenlungen uu bè yóm libun hdóyón ne bè yóm libun mdà yehen tô hegbóy kóm bè tilob kudélen.

Kem Udél Hlalak Tehe Selumun 1:15

Ó Man hol béi abay mung kul ni kem tau lómón ni ne holi hlayuk bélê le.

Kem Udél Hlalak Tehe Selumun 9:16

Yó monen mò kul, “Hol ye husek e dini yu kem tau là ngelem kehedemen ne yu kem tau book.” Ne yó bud udélen ebélê le, monen,

Kem Udél Hlalak Tehe Selumun 9:14

Sónmoen myón bè bak dól gónóen duhen ke bè yóm gónón mfatu bè benwu bong,

Kem Udél Hlalak Tehe Selumun 7:13

Ne tonen se yóm logi yó koni. Tódô dlu lenkefen ne neleken ne là kóen myak temngel ebéléen. Monen mò du,

1 Timuti 5:14

Yó gónóm mon, hyu nawahu bè yóm libun bolu ke hanà tukô nawahen ke tódô bud myehen anì wen ngaen, ne anì sen-gifaen yó kem fes lówóhen. Anì yó, laen dù bang gónó le dmelem kut yó kem hmohon kut.

Tekang Kbuten 39:9

Yóm kwalisen bè ni lem gónô, lómón yó se yóm dou kwalis, ne laen dù nalihen béléu, tek són uu yóm tuha libunen. Là kô gbeku du yóm sidek monem yó, tey salà bè Dwata yóm yó.”

Tekang Kbuten 39:11

Sotu kdaw bè yó, husek elem gónô le Putifar Jusif, nmoen yóm sana kun gel nmò bè yó ne geslaen yóm klaen dù dumu tau gel mò nmò bè yó lem gónô.

Kem Udél Hlalak Tehe Selumun 23:28

Són mò le mangat kihu tau lómón kangat yóm tau mnagaw ne lu but gónó le là tmeneb yehen le yó kem logi.