Tekang Kbuten 38:2 - Udél Dwata: Gna Kesfasad ne Lomi Kesfasad

² Bè yóm knóen bè yó, wen libun Kanan tonen yóm ngà Suha libun ne yehen le du.

Tekang Kbuten 38:2 Referans Kwoze

Tekang Kbuten 24:3

Móyóe ke smafai mlan bè boluy yóm dou gónó mogot, yóm Dwata mò longit ne tonok. Hol safaem dou yóm là kebelem mò yehen yóm ngau bè ni kem libun Kanan.

2 Kurin 6:14

Hol bê ye abay mit sbilà bè yó kem tau là hemtahuhen, là kóen na a hyu. Abay se là kô le segmung yóm tedeng ne yóm sigol. Dalang se yóm layag ne yóm kifu, là kô le setnù.

2 Samwél 11:2

Sotu kdaw, btik Dabid bè yóm ktungóen kimel, ne yó nmoen, lelen mógów ta ketef bè gónón gel henos bè yó bè gónô bongen. Yóm igoen temngel eta yóm syudaden, tonen yóm libun dyo, libun alì tilob.

Kmukum 16:1

Sotu kdaw, lemwót Samsun mógów ebè yóm sotu syudad yó kem Flistin boluyen Gasa. Bè yó gónón mton du yóm sotu libun hdóyón ne sentungóen.

Kmukum 14:2

Bè yóm kuléken ebè gónóen tulónen ke maen ne yéen, monen mò kul, “Wen libun Flistin tonu bè Timna. Nwa ye do mò yehenu.”

Tekang Kbuten 34:2

Tikóng ton Sékém yóm ngà Hamor, yóm tau hol geta bè yó kem tau Hibayt tódô kenfóen, ominen gmaga semtungô du.

Tekang Kbuten 6:4

Bè yóm kul kdaw yó ne balù bè yóm kogolen, tey wen kem tau lembang nô talak tonok, kem tau semfu gu bè yó kem libun te tonok yehen yó kem lemwót gu bè longit yó koni. Tey wen gendeng le yó kem tau lembang yó ne tey le tótól bè yóm kul kdaw.

Tekang Kbuten 6:2

Timbow ton yó kem gel nô bè longit tey knóón yó kem ngà le libun yó nmò le, tódô nwa le yóm kul nóyô bélê le mò yehen le.

Tekang Kbuten 3:6

Timbow henklol hnunu yóm libun yóm koyu yó, tey minggel ktonen du ne hendemen dô hyu mken du bunguhen, lelen hemdem du tey hyu ke baling temngón. Yó gónón wen nwahen bè yó kem bunguhen ne kenen. Ominen wen blayen ke tuha logihen ne kenen se kun.

Tekang Kbuten 28:1

Omin Isak htaba ke Jakub ne hnódóhen ne yó monen mò du, “Ó Ngà, hol béi abay myehen bè ni bè kem libun Kanan.