Tekang Kbuten 37:35 - Udél Dwata: Gna Kesfasad ne Lomi Kesfasad

³⁵ Tódô kdê yó kem ngaen logi ne ngaen libun tô mifa du, okóm là kô dog hnungolen kul, monen, “Tódô senflósu ne lemangag du yóm ngau efet katayu.” Tahu se, là kóen mkó bè nawahen yóm klangagen ke Jusif yó.

Tekang Kbuten 37:35 Referans Kwoze

Job 2:11

Wen tlu kem tau hol dumuhen swè Job. Yó boluy le, Ilifas tau lemwót bè benwu Timan ne Bildad yóm tau lemwót bè benwu Suwa ne Sufar yóm tau lemwót bè benwu Naama. Tikóng gungol le yóm tey glumfak Job ni, tódô le lemwót bè yóm kul benwu ne slomong le mauy ke Job anì na le e henyu nawahen.

2 Samwél 12:17

Mdà le klohoken yó kem tmuha genlal bè yó bè gónóen, nubug le anì olò mdà, okóm là kóen móyô ne là se kóen móyô mung kul mken.

Tekang Kbuten 42:38

Okóm yó mon Jakub, monen, “Là kô naw e bayà hmung du kuy Bindyamin. Deng matay yóm twoguhen ne tek sónen du dù tebel. Mò kmoen ke wen tódô du bè lan? Tódô hatayu klangagu bè nim tey ktuhahu ni.”

Jirimaya 31:15

Yó bud udél Dwata, monen, “Wen tey dmumu mkik bè yóm benwu boluyen Rama anì monem, dnumu nkik Rakél yó kem ngaen ne là kô wen gembek mifa du, abay se là kô bud tonen kul ne.”

Kem Lingón 77:2

Bè yóm tehe kdawen wen hlayamu, hnebelu Dwata. Suloyu buteng mni ebéléen igou hdà hólólu ebè longit. Laen kô dù kligalu ke là wen tóbóng lemwót gu béléem.

Tekang Kbuten 45:28

monen, “Tolo mowil gi yóm ngau Jusif. Laen dù bud hnebel nawahu ne. Lemwóte ne ni anì géhél tonu gu laanu là deng matay.”

Tekang Kbuten 42:31

Yó balà me du, mon me, ‘Là kô me na a tau hemkana ne là kô me tau mò kéng se kum.

Tekang Kbuten 31:43

Omin Laban malà ke Jakub, monen, “Ni kem libun yehenem ni, hono dou ngà. Yó kem ngà le, hono dou. Ne ni kem ógóf ni, hono bud dou. Bè ktahuhen, tódô kdê ni kem tonem bè ni ni, hono dou. Okóm ni, là kô gmou du ke tô nalihu kóm yó kem ngau libun ne yó kem téméu.

Tekang Kbuten 35:29

Ne lebeng yó kem lewu ngaen, Iso ne Jakub.

2 Samwél 12:23

Okóm ni deng matay, tedu muhu bud fasting du? Gbeku kô bud hlowil du? Là. Okóm bè hulin kdaw, ou se mógów ebéléen, okóm kun, là kô gbeken bud semfulék ebéléu.”

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Tekang Kbuten 48:11

Mon Jakub mò ke Jusif, “Bè yóm gnan kdaw, là kem bud henkólu du ne ke bud tonu uu. Bede bè kun kmò du Dwata, botong naw gafit ton lu ni kem ngaem.”

2 Samwél 19:1

Wen tmulón du ke Juab yóm kkik yóm tau hol geta, lenangagen Absalum.

Kem Lingón 77:3

Hendemu Dwata, ne botonge dmolong lanu hfu imaku tendo mangat yóm któbóngem dou.