Tekang Kbuten 37:33 - Udél Dwata: Gna Kesfasad ne Lomi Kesfasad

³³ Ne tódô dilô tuha logi se kun, monen, “Tahu se, kun nes nim ni. Deng wen ógóf lem bnes msék du. Deng tahu wen ógóf msék du yóm ngau Jusif.”

Tekang Kbuten 37:33 Referans Kwoze

Tekang Kbuten 44:28

Yóm sotuhen, deng tnagaken ou. Déke deng senssék tu kem ógóf lóbô lem bnes abay se efet ni là kô bud tonu du.

Tekang Kbuten 37:20

Yó ne hnatay tekuy, omin kuy mbot du elem tum sotu kokol nelem deng kti. Omin tekuy mon du deng nsék ógóf lóbô lem bnes. Hnénég te kun ke tahu yóm gel knahen.”

Kun Snulat Jan 13:7

Bnalà Jisas se, monen, “Là kô glileb ye du ni kem nmou bélê ye ni, okóm angat glileb ye he hulin kdaw.”

Kem Udél Hlalak Tehe Selumun 14:15

Yóm tau là ngelem kehedemen tódô hentahuhen kihu gungolen, okóm yóm tau hulung milô sal nan gel hendem kmò klanen.

2 Bok Kem Tau Hol Geta 2:24

Omin Ilaysa beklil ne tonen lu, ne henmulaen lu hlanen bè boluy Dwata. Ominen wen lewu bér libun hewà gu lem dlag, ne botong fat folò lewu bè yó kem ngà logi yó koni nséken.

1 Bok Kem Tau Hol Geta 13:24

ne bud lemwót yóm tau Dwata yó. Okóm bè yóm igoen mógów tódô sut yóm liyun nan e bnunù hnatay. Tódô masà bè yó bè lan yóm lówóhen, ne mdà klohoken yóm kudà asnu ne yóm liyun hmatay du.

Tekang Kbuten 37:32

Ne nwit le mulék ebè mà le ne mon le mò du, “Ó Mà, lómón tô nes ngaem Jusif nim ton me nii.”

Tekang Kbuten 42:38

Okóm yó mon Jakub, monen, “Là kô naw e bayà hmung du kuy Bindyamin. Deng matay yóm twoguhen ne tek sónen du dù tebel. Mò kmoen ke wen tódô du bè lan? Tódô hatayu klangagu bè nim tey ktuhahu ni.”

Tekang Kbuten 44:20

Yó balà me kóm, mon me, ‘Tolo wen he mà me, bede deng tey tuha ne wen se twoli me logi, ngaen bè yóm deng ktuhahen. Tehe wen yóm kun twogu yóm ngà tu, okóm deng matay. Bè yóm kul yê, sónen du dù mowil ne tey kbong nawa mà du.’

Tekang Kbuten 48:11

Mon Jakub mò ke Jusif, “Bè yóm gnan kdaw, là kem bud henkólu du ne ke bud tonu uu. Bede bè kun kmò du Dwata, botong naw gafit ton lu ni kem ngaem.”