Tekang Kbuten 37:22 - Udél Dwata: Gna Kesfasad ne Lomi Kesfasad

²² Olo ye tódô mbot du elem tum kokol ngelem deng kti bè yóm benwu laen hol wen tauhen. Bê kuy mom hensidek.” Yó gónón mon du yóm yó mò tô lanen hewà ke Jusif bélê le anì bud huléken ebè mà le.

Tekang Kbuten 37:22 Referans Kwoze

Kul Nmò 12:1

Bè yóm kdaw yó, yó nmò Hirod, yóm tau hol geta bè yóm benwu yó, nbuten ne hemsidek yó kem tau hemtahu bè Jisas.

Matyu 27:24

Timbow ton Paylét yóm là kegbeken hewà ke Jisas, ne dilóen bè yó kem tey tau sbung bè yó wen tô sidek nmò le béléen ke là nmungen du yóm kul knóyô, yó gónón tódô ma él, ne noloben tdoken lem mata le, monen mò kul, “Laen dù dou du bè yóm khatay ye du nim tau ni. Tódô kuy nbô yóm kgamà litóen.”

Dwata 13:9

Tódô hnatay kmoem du. Uu gna tmudà du botu, ominem bud htudà du yó kem dumuhem.

Kehewà 24:11

Balù yóm deng tódô kton le ke Dwata yó kem tuha gel malak yó, là kô hensideken kul. Tódô ton le Dwata, omin le seyón mken bè yó ne ninum le yóm kul gel ninum.

Tekang Kbuten 42:22

Mon Rubén se, monen, “Deng tehe monu mò kuy se, bê ye abay hensidek yóm ngà okóm là kô ye dog hmungol. Ne ni se kbayad tekuy du yóm katayen.”

Tekang Kbuten 22:12

Bud mon yóm hógów Dwata, “Hlasaem yóm suk. Béen abay wen nmoem béléen yóm ngà. Ni ne deng tngónu wen klikoem ke Dwata ne tey kimónem du, abay se là kô nalihem du béléen yóm hol tek són ngaem.”

Tekang Kbuten 37:21

Gungol Rubén yóm sensmon le yó ne bnólówen lu, monen, “Bê. Bê tekuy hnatay.

Tekang Kbuten 37:23

Timbow deng gefet bè kem twoguhen Jusif, tódô ktos le bè lówóhen yóm nes tahà tilob leseken.

Jirimaya 36:25

Balù yóm tô kehseng le yóm tau hol geta le Ilnatan ne Dilaya ne Gimariya anì là ntemen du yóm sulat lenulun, okóm là kô hnungolen kul.