Tekang Kbuten 37:15 - Udél Dwata: Gna Kesfasad ne Lomi Kesfasad

¹⁵ Tikóng kól bè Sékém Jusif, sónmoen tendo semidok mebel kul yó kem twoguhen. Yóm igoen mebel kul, wen tau mton du ne snólóken Jusif yóm tau yó, monen, “Tedu hnebelem?”

Tekang Kbuten 37:15 Referans Kwoze

Kmukum 4:22

Timbow msut Barak nan e nebel Sisira, senlong Jail ne monen mò du, “Hlósi, toloku kóm yóm tau hnebelem.” Tahu se, mung du husek Barak ne tódô tonen Sisira masà bè tonok deng matay, gtool bè langihen yóm hteg tolda.

Kun Snulat Jan 20:15

Ne mon Jisas mò du, “Ó Lenibun, tedu nkikem yó du? Tau du de hnebelem?” Ofo ke Midi ke yóm tau fen gel lembud hulu yóm mdà bè yó ne monen mò du, “Ó Sér, ke uu deng ma du yóm lówó Jisas, tulónem dou gónóm e hemsù du anì bud nangayu.”

Kun Snulat Jan 18:7

Bud snólók Jisas lu, monen, “Tau du hnebel ye?” Bud mon le se, “Jisas lemwót bè Nasarit.”

Kun Snulat Jan 18:4

Deng eles tngón Jisas yóm angat nmò le béléen, yó gónón semlong kul, ne snólóken lu, monen, “Tau du hnebel ye ni?”

Kun Snulat Jan 4:27

Bè yóm igò le stulón, kól le se yó kem tau gel lemolò du. Tey ketnga le bè yóm kton le ke Jisas stulón bè yóm libun. Okóm là mlos le smólók du bè yóm libun yóm nóyóen, duhen ke mon le mò ke Jisas, “Moen ke stulóni du?”

Kun Snulat Jan 1:38

Timbow binguy semfulék Jisas, tódô tonen lu, monen mò kul, “Mò ye de?” Mon le se, “Tô snólók me yóm gónóm gel nô, Rabi?” (Yó lanen yóm Rabi mon le yó, “Tau Tmolok.”)

2 Bok Kem Tau Hol Geta 6:19

Omin Ilaysa hewà ne monen mò kul, “Tólóng nim gónó ye e gsut ni. Sundu ni du yóm syudad nundug ye. Lolò ye o, nwitu yu ebè yóm tau hnebel ye.” Tahu se, nwiten lu ebè Samarya.

Tekang Kbuten 21:14

Hlafus hayahen bè yó, hewót Abraham Hagar lewu le yóm ngaen. Wen ken hebnotuhen du ne hesléhen du yóm sning kulit ógóf hnok él. Ngang le mógów efet le tódô tabag tmimbul lem yóm benwu là hyu menwu du boluyen Birsiba.

Tekang Kbuten 37:14

Yó mon maen mò du, “Nam e nauy lu ke laen du hemen le dalang se yó kem ógóf bnentey le. Bede budi mulék anì tngónu.” Tahu se, hewót maen Jusif bè yó bè Datal Hibron.

Tekang Kbuten 37:16

Mon Jusif se, “Hnebelu kem twoguhu, tehe le hótób ógóf dini. Tngónem kô gónó le nô?”