Tekang Kbuten 37:14 - Udél Dwata: Gna Kesfasad ne Lomi Kesfasad

¹⁴ Yó mon maen mò du, “Nam e nauy lu ke laen du hemen le dalang se yó kem ógóf bnentey le. Bede budi mulék anì tngónu.” Tahu se, hewót maen Jusif bè yó bè Datal Hibron.

Tekang Kbuten 37:14 Referans Kwoze

Tekang Kbuten 35:27

Kewót Jakub bè yó mulék ebè maen Isak bè Mamri, yóm benwu moni bè Hibron. Yó se yóm benwu hol kul gónó menwu le Abraham ne Isak.

Kun Snulat Luk 19:42

yó monen, “Kamà ke yóm tngón ye yóm lan ye bud mit sefyu ebè Dwata, balù ni hem kemdaw ni ke tnana ye. Okóm là kô glileb ye du.

Kem Lingón 125:5

Okóm ke tnafakem yó kem tau gel mò sidek, homong tnafakem snéen yó kem tau kmogol du yóm kóm lan. Dwata he hol henek nawa yó kem tau Israél.

Jirimaya 29:7

Bè yóm knô ye bè yó bè Babilun, nmò ye yóm gónón menek ke benwu ye ne gónón hyu klowil ye. Hol ye mni bè Dwata bè yóm syudad yó, abay se ke hyu klowil yó kem tau bè Babilun, bud hyu se yóm kuy klowil.”

1 Bok Kem Tau Hol Geta 2:33

Hol laen dù tul sónen kbô Juab du ne dalang se yó kem tau semfu gu béléen yóm katay ni kem tau ni. Ne laen dù sónen snéen yóm khenek Dwata nawa Dabid ne yó kem tau semfu gu béléen dalang se yóm tau myón bè yóm kun gónó myón kmamal.”

2 Samwél 18:32

Yó udél yóm tau hol geta ebè yóm tau Kusayt yó, monen, “Laen dù hemen ngau Absalum kô?” Bnalà yóm tau Kusayt, monen, “Yake yó hol bud gfà yó kem hohonem ne kdê yó kem tau matù kóm yóm kun gfà yóm ngà yó.”

Lista 13:22

Lolò le e mool mius le bè yóm benwu boluyen Négéb efet le kól bè Hibron, yóm benwu gónó le menwu yó kem sfu Anak, le Ahiman ne Sisay ne Talmay. (Yóm benwu Hibron yó, deng hitu halayen ne mdà gu laanen là deng mdà yóm syudad Suan yóm syudad yó kem tau Idyip.)

Tekang Kbuten 41:16

Omin Jusif malà du, monen, “Là. Tek són Dwata gembek tmulón du kóm lan yóm knahem anì hol gsengel nawahem.”

Tekang Kbuten 29:6

“Kmoen se kun du?” mon Jakub. Mon le se, “Hyu se. Myó dé ngaen libun gu ditu, boluyen Rakél. Kem ubiha maen yóm nalaken yóó.”

Tekang Kbuten 23:2

Ne matay bè Hibron bè benwu Kanan ne tey klangag Abraham du yóm katayen.

Tekang Kbuten 13:18

Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Tekang Kbuten 23:19

Omin Abraham yó lembeng ke tuha libunen Sara bè yóm kilib bè benwu Kanan.

Tekang Kbuten 37:15

Tikóng kól bè Sékém Jusif, sónmoen tendo semidok mebel kul yó kem twoguhen. Yóm igoen mebel kul, wen tau mton du ne snólóken Jusif yóm tau yó, monen, “Tedu hnebelem?”

2 Samwél 11:7

Tikóng kól bè yó Uraya, snólók Dabid béléen ke tedu deng kmò le Juab ne yó kem sendalù mung du, ne deng kmò yóm kesgida le.

Tekang Kbuten 43:27

Ne snólók Jusif bélê le yóm kul kmò klowil ne monen mò kul, “Deng tehe tulón ye dou yóm deng tey ktuha mà ye. Deng kmoen se kun du ni kmoen ni? Tolo mowil he kô ne hyu klówóhen?”

1 Samwél 17:22

Yó nmò Dabid, tebelen bè yóm tau gel mogot ken yóm nwiten ne mlóy etu bè gónó le nô yó kem twoguhen nan e snólók yóm mò kmò le.

Istér 2:11

Tódô ket kdaw Murdikay mógów ebè lósól yóm gónô gónóhen nô Istér nan e hnungol yóm kmò Istér ne ke tedu deng gefet béléen.