Tekang Kbuten 35:4 - Udél Dwata: Gna Kesfasad ne Lomi Kesfasad

⁴ Tahu se, gotu blay le ke Jakub kdéen dwata lennged nô bélê le lemwót bè tólóng benwu ne kdê yó kem tdé le, gotu lebeng Jakub lu laan yóm koyu boluyen ok moni bè Sékém.

Tekang Kbuten 35:4 Referans Kwoze

Kmukum 9:6

Omin le gotu stifun yóm kdê tau bè Sékém ne bè Bit-milu, mógów le ebè yóm koyu boluyen ok bè yó bè Sékém, nô klohok yóm hehek hetfing le bè yóm sotu dwata lennged le ne bè yó gónó le hembaling ke Abimélék mò tau hol geta bélê le.

Isaya 30:22

Tódô angat gotu bot ye yó kem dwata lennged tehe nmò ye gu bè blówón bukay ne bè tahu blówón. Hol lómón kbot ye fól kmò ye kul. Yó udél ye, “Laen dù bud mu me kuy.”

Dwata 7:25

Gotu dnutung ntem ye yó kem dwata lennged le. Bê ye abay tô niwol yó kem dwata lennged nmò le bè tahu blówón ne bè blówón bukay ne hol bê ye abay tô nwa ke mò kuy. Ke nwa ye, bè yó ne gónó ye gholot abay se tey kenbê Dwata yóm tau tmaba ebè yóm dwata kéng.

Kehewà 32:20

Tódô nwahen yóm ngà safì tudu nmò le, gotu hnoen ne gotu heblibuen, ominen mbol du él ne gotu hinumen yó kem tau Israél.

Husiya 2:13

Angat tnafaku bè yóm deng kehtulahen do lanen gel mtem insinsu ebè Baal ne gel leketen yó kem ngom blówónen, ominen mebel kem logi hemdóyón du,” udél yóm sana Dwata hol gónó mogot.

Isaya 2:20

Bè yóm kdaw yó, tódô gotu bot le yó kem dwata lennged lenbù nmò le gu bè tahu blówón ne bè blówón bukay. Tódô gbayà bè yó kem ungé ne bè yó kem kebeg.

Dwata 7:5

Yó gónóm mon, gotu genbà ye lu yó kem kul gónó demsù, lenusok ye yó kem hehek botu deng hetfing le ebè yóm kul dwata lennged. Nofok ye yó kem hehek deng hdà le ilô yóm dwata libun le boluyen Asira ne gotu dnutung ntem ye lu yó kem dwata lenbù deng nmò le.

Tekang Kbuten 12:6

tódô henlós Abram mógów lem yóm benwu yó efet gefet bè yóm tey koyu bong bè Muri yóm benwu moni bè syudad Sékém. Bè yóm kdaw yó, tolo le nô bè yóm benwu yó kem tau Kanan.

Tekang Kbuten 35:3

Mdó tekuy bè ni,” mon Jakub, “ne mógów tekuy etu bè Bétél. Bè yó gónóhu mò du yóm mò gónó demsù ebè Dwata, yóm Dwata tehe tmóbóng dou bè yóm tehe kwen gfau, ne deng eles tendo nô béléu snéen kihu gónóhu e solu.”

Tekang Kbuten 35:5

Bè yóm kdó Jakub ne yó kem ngaen logi bè yó bè Sékém, là kô ktes le kul yó kem tau hmilol bè yó abay se wen tey klikò le lemwót bè Dwata.