Tekang Kbuten 35:29 - Udél Dwata: Gna Kesfasad ne Lomi Kesfasad

²⁹ Ne lebeng yó kem lewu ngaen, Iso ne Jakub.

Tekang Kbuten 35:29 Referans Kwoze

Tekang Kbuten 15:15

Okóm kóm, angat gsengel ktuhahem ne menek kegnómem du bè yóm katayem ne hyu kebeng le kóm.

Tekang Kbuten 49:33

Timbow deng kudél Jakub ebè yó kem ngaen, ominen yó hganag bud hlilil ne milot se nawahen.

Tekang Kbuten 49:31

Ditu se tehe gónó le lembeng ke témê Abraham ne bé Sara. Ne bud ditu snéen gónó me lembeng ke tehe mau Isak ne yéu Ribika. Ne bud bè tu se tehe gónóhu lembeng yóm sotu yê ye Liya.

Job 5:26

Angat tey ktahà klowilem. Hol lómón yóm halay, là kô nuta le du efet tilob khulóen.

Tekang Kbuten 25:17

Yó kegen Ismaél tau, lematu bud tlu folò hitu halayen, ominen matay.

Tekang Kbuten 3:19

Ke là nam na hol hinget mò hulu là kói gemtob ken. Ni se mò kmoen béléem efet bud kulékem elem tonok, abay se bè tonok tehe gónóm gu lemwót. Nifilu uu lemwót gu bè tonok, ne angati bud baling tonok.”

Tekang Kbuten 27:41

Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 37:35

Tódô kdê yó kem ngaen logi ne ngaen libun tô mifa du, okóm là kô dog hnungolen kul, monen, “Tódô senflósu ne lemangag du yóm ngau efet katayu.” Tahu se, là kóen mkó bè nawahen yóm klangagen ke Jusif yó.

Tekang Kbuten 47:30

Yó nóyóu ke hol lebeng ye ou ditu bè yóm tehe gónón lebeng kem fuu. Nit ye hewà bè ni bè Idyip lówóhu, hol lebeng ye ditu bè yóm tehe gónó le lembeng kul.” Mon Jusif se, “Nmou béléem, Mà, yóm monem mò dou yó.”