Tekang Kbuten 35:28 - Udél Dwata: Gna Kesfasad ne Lomi Kesfasad

²⁸ Yó kegenen tau Isak, botong lematu bud wolu folò halayen. Tey deng gsengel ktuhahen bè yóm katayen.

Tekang Kbuten 35:28 Referans Kwoze

Tekang Kbuten 25:7

Deng tey gsengel ne ktuha Abraham bè yóm katayen. Yó kegenen tau, botong lematu bud hitu folò limu halayen.

Tekang Kbuten 50:26

Tahu se, matay Jusif bè yó bè Idyip ne bè yóm katayen deng lematu bud sfolò halayen. Hensù le bulung là bolok lówóhen, omin le tmenes du elem lungunen.

Tekang Kbuten 47:28

Yó kegen Jakub menwu bè Idyip, botong sfolò hitu halayen. Setnù halay deng kegenen tau, lematu bud fat folò hitu halayen.

Tekang Kbuten 25:26

Ne yóm ngà huli sut, yó nmoen bè yóm ksuten hen-get nogoten teked yóm ngà gna sut. Ne yó gónó le moluy du Jakub. Deng nem folò ne halay Isak yóm kwen ngaen.

Tekang Kbuten 47:9

Mon Jakub se, “Yó deng kegenu tau deng lematu bud tlu folò halayu, bede tauhe menwu mógów se dou. Là kóen tahà yóm dou klowil ne tey dê gónón mgel. Là mkélen bè yó kem fuu ekni, tey tahà yóm kul klowil.”