Tekang Kbuten 35:27 - Udél Dwata: Gna Kesfasad ne Lomi Kesfasad

²⁷ Kewót Jakub bè yó mulék ebè maen Isak bè Mamri, yóm benwu moni bè Hibron. Yó se yóm benwu hol kul gónó menwu le Abraham ne Isak.

Tekang Kbuten 35:27 Referans Kwoze

Tekang Kbuten 13:18

Tahu se, bud nili Abram kamfuen, ne ditu gónón nô moni bè yó kem koyu lembang bè Mamri lem benwu Hibron. Ne bè yó gónóhen bud semsodò yó kem botu mò gónón demsù ebè yóm sana Dwata hol gónó mogot.

Tekang Kbuten 23:19

Omin Abraham yó lembeng ke tuha libunen Sara bè yóm kilib bè benwu Kanan.

Tekang Kbuten 18:1

Bè yóm knô Abraham bè yóm benwu moni bè yó kem koyu lembang nfun Mamri, bud hegfan béléen Dwata. Bè yóm kehegfanen béléen yó, deng gtungu kdaw ne tolo myón bè bak dólen.

Tekang Kbuten 23:2

Ne matay bè Hibron bè benwu Kanan ne tey klangag Abraham du yóm katayen.

2 Samwél 5:5

Yó kegenen nô bè Hibron mogot yóm benwu Juda, hitu halay ne nem bulón, ne tlu folò tlu halay kegenen nô bè Jirusalim mogot yóm klamang benwu Israél ne benwu Juda.

2 Samwél 5:3

Tahu se, bè yó bè Hibron bè solu Dwata, wen senfasad le Dabid yóm kdéen tau malak bè Israél. Omin le temwél te kulu Dabid hnolo mò ilô yóm kbalingen tau hol geta bè Israél.

2 Samwél 5:1

Omin le gotu mógów ebè Dabid bè Hibron yóm sfolò lewu kem tbong Israél, ne yó mon le mò du, “Mi se yó kem kóm dumu ne kóm litô.

2 Samwél 2:3

Nwit Dabid snéen yó kem tauhen, sket kul wen kem fes lówó le mung kul ne menwu le bè yó kem benwu lemnek snakuf Hibron glem lem Juda.

2 Samwél 2:1

Kogolen bè yó, snólók Dabid Dwata, “Bude mulék ebè yóm sotu benwu bè Juda kô?” Ne yó balà Dwata du, monen, “El, muléki etu.” Omin Dabid bud smólók, “Benwu du de gónów e mógów?” Ne yó balà Dwata du, monen, “Mógówi ebè Hibron.”

Tekang Kbuten 28:5

Tahu se, hewót Isak Jakub ebè Misuputamya, ebè Laban yóm ngà Bituél yóm tau Aramiyan. Yóm Laban logi Ribika, yóm yê le Jakub lewu le Iso.

Tekang Kbuten 14:13

Okóm wen sotu tau lemwót bè yó mlóy etu bè Abram ne gotu tulónen du yóm kdéen. Yóm Abram ni tau Hibru, yóm menwu moni bè yó kem koyu lembang nfun Mamri yóm tau Amurayt. Yóm Mamri ni, wen lewu dumuhen setwoli logi boluy le Iskol ne Anér, hono kem kun dumu sofin Abram.

Tekang Kbuten 37:14

Yó mon maen mò du, “Nam e nauy lu ke laen du hemen le dalang se yó kem ógóf bnentey le. Bede budi mulék anì tngónu.” Tahu se, hewót maen Jusif bè yó bè Datal Hibron.

Tekang Kbuten 17:8

Nim tonok hanà tolo gónóm milo ni, blayu kóm ne bè yó kem sfuhem. Nim klamangen benwu Kanan ni, yó kem sfuhem funen ne laen kô dù sónen yóm kfun le du. Ne bud ou se hol kul Dwata.”

Tekang Kbuten 49:29

Omin Jakub bud mudél ebè yó kem ngaen, monen, “Ni móyóne lemwót, naw e ktes yó kem tehe gónóhu gu semfu. Ke soke matay, hol lebeng ye ou ditu bè yóm kilib tehe gónó le lembeng ke mà ne témê bè tonok Ifron, yóm tau Hitayt.