Tekang Kbuten 35:20 - Udél Dwata: Gna Kesfasad ne Lomi Kesfasad

²⁰ Omin Jakub hemdà sotu botu bè yó mò heftulón du bè nawan. Efet yóm kmoen ni, yóm botu yó ilô yóm gónón lebeng Rakél.

Tekang Kbuten 35:20 Referans Kwoze

1 Samwél 10:2

Bè yóm kulékem, yó ilô tonem wen lewu tau geslongem moni bè lebeng Rakél bè benwu Silsa nô bè kilil yóm kun benwu Bindyamin. Tulón le kóm yó kem kudà asnu hnebelem deng ton le lu, là bud tnafa nawa maem kul deng mom uu yóm tnafa nawahen, monen, ‘Nô se kun du yóm ngau logi?’

Tekang Kbuten 35:14

Bè yóm gónó Dwata mudél ebéléen yó koni, wen botu hteg Jakub mò heftulón du bè nawahen. Ne wen yóm gel ninum le ne yóm hnolo ulib twélen tahen mò gónón hetfing du ebè Dwata.

Tekang Kbuten 35:9

Bè yóm deng kulék Jakub gu bè Misuputamya yó, bud hegfan béléen Dwata ne bud wen oluhen du.

Tekang Kbuten 48:7

Yó gónóhu mò du nim ni abay se lemwót bè yóm yéem Rakél. Tey klangagu du bè yóm katayen bè Kanan bè yóm kulék me gu bè Misuputamya. Deng me moni bè Ifrat ne yóm katayen. Tódô lebengu bè yó bè kilil lan mógów ebè Ifrat.” Yóm benwu Ifrat yó, yó se Bitlihim nim kmoen ni.