Tekang Kbuten 35:2 - Udél Dwata: Gna Kesfasad ne Lomi Kesfasad

² Tahu se, lemwót Jakub ne yó udélen ebè yó kem fes lówóhen ne ebè kdê yó kem tau nô béléen, monen, “Gotu kó ye yóm kdéen dwata lennged lemwót bè tólóng benwu deng nô bélê ye. Dyo ye anì mólós ye ne lesek ye yóm nes mólós mò gónó ye hegfan du tek són Dwata yóm hol nimón ye.

Tekang Kbuten 35:2 Referans Kwoze

Kehewà 19:14

Omin Musis bud mosol ne tulónen yó kem tau anì eles le htifes bè kehloni le ebè yóm sana kul Dwata hol gónó mogot. Tahu se, gotu nfuk le kem nes le.

Kehewà 19:10

Ne yó bud mon Dwata mò du, “Mógówi ebè yó kem tau, tulónem kul eles hólós le knô le kemdaw ni ne haya bè yóm kehloni le ebéléu. Hol nfuk le kem nes le.

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

Hibru 10:22

Yó gónóm mon, hol tekuy hloni ebè Dwata dé. Hol hewót tekuy lem but blutut tekuy yóm kehloni tekuy yó, mung du yóm hol kehtahu tekuy béléen. Yakà deng hólósen tekuy Jisas, yó gónón deng mkó ta tekuy ne yó kem salà tehe gel hemblat tekuy. Hol lómón ke deng denyohen tu lem yóm tey él tikaw.

Isikél 18:31

Tenflok ye ne yóm là gel kimón ye do, hnomi ye kehedem ye ne knawa ye. Moen de ke móyô ye kendel matay, kem tau Israél?

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

Juswa 24:23

“Ke tahu se yóm mon ye yó,” mon Juswa, “gotu kó ye sen yó kem dwata lenged nô bélê ye. Ne hol fasad ye ke Dwata yóm klolò ye du yóm sana Dwata hol gónó tekuy mogot kem tau Israél.”

Juswa 24:15

Ke là móyô ye lemolò du, hol eles nélék ye kemdaw ni ke dwata du de yóm lolò ye, yó kem kul dwata kéng tehe gel tnaba yó kem tehe fù ye nô sentu Él Yufratis, duhen ke yó kem dwata kul gel tnaba yó kem tau Amurayt yóm tehe fun yóm tonok gónó ye nô ni. Bong béléu dou ne yó kem fes lówóhu, tódô henlós me lemolò ke Dwata yóm sana Dwata hol gónó mogot.”

Tekang Kbuten 18:19

Deng néléku mò gel hmau yó kem ngaen ne yó kem fuen anì nimón le ou ne nmò le yóm tedeng. Ke mimón le, angat dnohou yóm deng fasadu ke Abraham.”

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

1 Samwél 7:3

Yó udél Samwél ebè kdê yó kem tau Israél, monen, “Ke hol tahu lemwót lem but blutut ye yóm bud kesfulék ye ebè Dwata, hol knogol ye ne yó kem tólóng dwata lolò ye dalang se yóm dwata lennged boluyen Astarti. Hogot ye ke Dwata klowil ye ne són du nimón ye. Ke ni se nmò ye, angat lenwaen yu lem hólól yó kem Flistin.”

Dwata 32:16

Yóm ktaba le bè yó kem tólóng dwata gónón sidek kélés nawa Dwata. Lemwót bè yóm ksidek nmò le, yó gónón alì lembut kul.

Tekang Kbuten 31:34

Blaem yóm dwata lennged yó, deng sana bnos Rakél lem yóm sning nô bè syà kamélen ne yó nmoen, myón tahen. Tódô gotu snisif hnebel Laban gu lem tolda Rakél okóm là kô tonen du.

Tekang Kbuten 31:19

Bè yóm kewót le yó, là nóen bè yó Laban, tolo hlunen mungus bul yó kem ubihahen. Lemwót bè yóm là knóen bè yó, yó nmò Rakél, hennagawen yóm dwata lennged nô lem gónô maen.

Sulat Jud 1:23

Ne yó kem dumu tau móyón gmung bè salà, géhél kendel skot ye lu dé, abay se hol lómón ke nô le lem ofi. Wen se kem dumu tau deng gebeng lem sidek. Hol knodu ye lu snéen, okóm hol ye temgama anì là gbót ye. Hol knutó nawa ye yó dum sidek gel nmò le.

Glasya 4:8

Tehe yu ekni, yóm là deng ketngón ye ke Dwata, tey keghesek ye bè yó kem dwata kéng.

1 Kurin 10:7

Hol bê tekuy abay hemtahu bè yóm dwata kéng. Wen se bélê le tehe mò du ekni, lómón yóm monen bè Sulat Dwata, yóm monen, “Gotu le stifun mken, ne omin le gotu hlengel ne hbusaw mò samuk.”Hol bê tekuy abay mò samuk. Wen se bélê le tehe mò du ekni, ya tey ktafak Dwata kul. Botong lewu folò tlu libu kwen le segeng hnatay Dwata bè yóm kdaw yó.

Kul Nmò 19:26

Deng ton ye se, ne deng gungol ye yóm kun nmò yóm tau boluyen Pol. Yó gel monen, yóm dwata lenbù nmò tau, sundu tahu Dwata du. Deng tey dê tau hemtahu du yóm toloken yó, là olon bè ni du bè Ifisus, deng dô lengeben klamang prubinsya Asya.

Danyél 5:4

Yóm igò le minum tey kdóyón le du yóm kul dwata, nmò le lemwót gu bè tahu blówón ne gu bè blówón bukay ne gu bè tembaga futì ne gu bè bala tók ne gu bè koyu ne gu bè botu.

Isaya 52:11

Hol tebel ye ne yóm benwu Babilun, yu kem tau mulék ebè Jirusalim mit yó kem ngom bè Gónô Dwata. Béen wen dumu nogot ye yó kem kenbê Dwata. Hol ye hólós, omin ye yó lemwót.

Isaya 1:16

Hol ye molob dé anì mólós ye. Hol tenflok ye ne yóm sidek gel tonu bélê ye. Hol kó ye ne yóm sidek gel nmò ye

Kem Lingón 51:7

Hol kóhem dou salau anì balinge mólós. Hol denyohem ou anì laen dù bud usingu, balù udì.

Kem Lingón 51:2

Hol nolobem dou yó kem sidek deng nmou. Hol hólósem ou bè yó kem salau.

Job 1:5

Ke sok deng yóm kdaw gel kmò le ken, yó gel nmò Job gotu hfangayen lu anì nan e bud hfólós lu. Tódô hlafus btik nan e demsù yóm dsù gel hkekeb le ebè Dwata bè ket yó kem ngaen. Yó gónón mò du yóm yó, abay se hendemen déke wen sotu bélê le deng wen gónóhen gemsalà bè Dwata ne deng wen gmon le sidek eta Dwata, yóm là lenbù le du. Ni se yóm tendo gel nmò Job bè yó kem ngaen.

1 Tutul Israél 16:26

Yó kem dwata kul gónó e gel tmaba yó kem tau bè dumu benwu, hono dwata lennged. Okóm yóm Dwata tekuy, du se dmimun du yóm longit seglafin.

2 Bok Kem Tau Hol Geta 5:10

Timbow ton Ilaysa Naaman, ominen mdók yóm sotu tau tóbóng lówóhen anì tulónen ke Naaman, monen, “Holi mógów etu bè Él Jurdan nam e dyo ditu hitu dulék anì mkó yóm des mifuem, ne angat bud hyu kulitem.”

2 Samwél 7:23

Tau du se mkél bè yó kem tauhem Israél, yó kem tau deng tehe nsokem bè yóm keghesek le mò hol kóm nfun. Deng tey kehtótólem boluyem bè yóm kehwaem kul gu bè Idyip. Tey dê hentaw ton yóm deng nmoem bélê le, ne deng gotu lohem yó kem dumu tau tô hemseng kul, gomong yó kem dwata kéng le.

Rut 1:15

Yó mon Numi mò du, “Na Yô, tódô dnalangem dé yóm dumum seway, tódô mulék ebè tu kem kun dumu ne bè yóm kun dwata. Yake lemwóti ne slomongi du.”

Juswa 24:20

Ke knogol ye ne deng ye mom tmaba ebè yó kem tólóng dwata, angat hohonen yu ne tnafaken yu. Angat genlaen yu baluen ke tey tilob kmoen ebélê ye bè yóm gnan kdaw.”

Juswa 24:2

Yó udél Juswa ebè kdê yó kem tau Israél, monen, “Ni se udél Dwata, yóm sana Dwata hol gónó tekuy mogot yó kem tau Israél. Yóm tehe yu ekni, tehe le menwu ditu sentu Él Yufratis yó kem fù ye ne gel le tmaba ebè yó kem dumu dwata kéng. Yóm sotu bè yó kem tehe fù ye yó ekni duhen Tira yóm mà le Abraham ne Nahor.

Juswa 23:7

Ke ni se nmò ye, là kô gbek ye du mit sbilà bè yó kem tólóng tau dù tebel ta nim tonok ni. Yó kem kul dwata lennged, balù olo moluy yóm kul boluy hol bê ye abay nmò. Là se hyuhen ke hlan ye bè boluy le ke mò ye fasad. Hol bê ye abay tmaba ebélê le ne bê ye abay mni tóbóng bélê le.

Dwata 7:25

Gotu dnutung ntem ye yó kem dwata lennged le. Bê ye abay tô niwol yó kem dwata lennged nmò le bè tahu blówón ne bè blówón bukay ne hol bê ye abay tô nwa ke mò kuy. Ke nwa ye, bè yó ne gónó ye gholot abay se tey kenbê Dwata yóm tau tmaba ebè yóm dwata kéng.

Dwata 6:14

Hol bê ye abay tmaba ebè yó kem dumu dwata lennged, balù kihu bè yó kem dwata yó kem tólóng tau hmilol kuy.

Dwata 5:7

Bê ye abay tmaba ebè yó kem dumu dwata, són ebéléu.

Lista 31:24

Bè yóm ghituhen kdaw, hol nfuk ye nes ye omin ye hólós yóm kuy knô anì mólós kton Dwata kuy. Omin ye yó he mulék elem kamfù.” Là gomongen bè nili yóm bérs 25 efet kól bè bérs 47. Yó tulónen bè ni kem bérs ni yóm kmò kessólól kem tau Israél du yó kem tey kimu deng negef le. Wen blay le ebè Dwata, ne wen se blay le bè yó kem dumu le tebel bè kamfù ne wen se blay le bè yó kem sendalù mung bè gida.

Tekang Kbuten 35:22

Bè yóm knô le Jakub bè yó bè Idér, lemwót Rubén sentungóen bè yóm sotu libun nmu maen boluyen Bilha. Ya tey sidek kbut Jakub bè yóm kungolen du. Yóm Jakub, wen sfolò lewu ngaen logi.

Tekang Kbuten 34:2

Tikóng ton Sékém yóm ngà Hamor, yóm tau hol geta bè yó kem tau Hibayt tódô kenfóen, ominen gmaga semtungô du.

Tekang Kbuten 31:30

Deng eles tngónu yóm tey khahuem ke maem, okóm moen se du ke hennagawem yó kem dwata lenngedu nô lem gónô?”

1 Samwél 16:5

Bnalà Samwél se lu, monen, “Laen dù sidek du. Yó nógówu naw e demsù ebè Dwata, hfólós ye knô ye anì mung ye do demsù.” Omin Samwél stulón ke Jisi anì hfólósen knóen dalang se yó kem ngaen anì mung le du bè yóm kedsuen.

Juswa 24:14

“Ne ni,” mon Juswa, “hol knikò ye Dwata, yóm sana Dwata hol gónó tekuy mogot ne hol hotu ye nawa ye lemolò du. Gotu kó ye yó kem dwata lennged tehe kul gel tnaba yó kem tehe fù ye bè yóm knô le sentu Él Yufratis ne bè Idyip. Olon yóm sana kuy Dwata dé lolò ye.