Tekang Kbuten 34:30 - Udél Dwata: Gna Kesfasad ne Lomi Kesfasad

³⁰ Bè yóm ketngón Jakub du yóm deng nmò le Simyun ne Libay, yó monen mò kul, “Olo ye mit dou sbeweg lem nim benwu ni. Nim nmò ye ni, lómón ke ou yóm nmò ye boo bolok bè yó kem tau bè nim benwu ni bè kem tau Kanan ne bè kem tau Pirisayt. Ke ssotu nawa le mundug tekuy, ngem kà gotu hnatay le tekuy igò tekuy là hol wen.”

Tekang Kbuten 34:30 Referans Kwoze

Kem Lingón 105:12

Bè yóm tehe kmò Dwata bélê le fasad yó kem kun tau yó, là deng le hol wen he, tolo le tau milo bè Kanan.

1 Samwél 13:4

Ominen heglalag du bélê le yóm deng kegbà le kamfù yó kem Flistin bè Giba. Lemwót bè yóm nmò le Junatan yó, deng mom milud kutó nawa kem Flistin kul yó kem tau Israél. Ne yó gónó le gotu stifun yóm kdéen sendalù Israél, ston le ke Sol bè Gilgal.

Juswa 7:25

Yó udél Juswa ebè Akan, monen, “Moen de ke nwitem elem blóng tekuy nim tey gfà bong ni? Ne ni, wen tey hegfà Dwata kóm.” Duhen yó, tódô hnatay sentudà le botu Akan yó kem tau, homong le yó kem fes lówóhen ne gotu hkekeb dnutung le lu gomong yóm kdê nfun le.

Kehewà 5:21

Yó mon le mò ke Musis ne Aron, mon le, “Deng ton Dwata yóm nmò ye ne angat tnafaken yu bè yóm nmò ye ni. Lemwót bélê ye gónó Faro mutó nawa kum ne yó kem genlalen. Yu henged mni du yóm khatay le kum.”

1 Tutul Israél 16:19

Bè yóm tehe kmò Dwata fasad bélê le yó kem kun tau yó, là kô le deng hol wen he, hanà le tolo tau milo bè Kanan yóm benwu deng fasaden kul.

1 Samwél 27:12

Tey ksalig Akis ke Dabid ne yó hendemen, “Bè nim gel nmoen ni gónón deng mutó nawa le du yó kem kun dumu Israél. Yó gónóm mon, angat hlós baling tóbóng lówóhu bè yóm klawihen mowil.”

Tekang Kbuten 13:7

Yó se gónó le gel sfatay yó kem tau mentey ógóf Abram ne yó kem tau mentey ógóf Lat. Bè yóm kdaw yó, tolo le menwu bè yó he yó kem tau Kanan ne yó kem tau Pirisayt.

Kem Udél Hlalak Tehe Selumun 15:27

Yóm tau seglom hnayamen kem fes lówóhen, okóm yóm tau kenbéen yóm filak mò wa nawahen htahaen ktauhen.

Kem Udél Hlalak Tehe Selumun 11:29

Yóm tau heglayamen yóm kun fes lówó olon tódô mifu hólólen ne yóm tau book són moen ghesek bè yóm tau hulung hedem.

Kem Udél Hlalak Tehe Selumun 11:17

Mulék hyu knóen yóm tau hyu kmoen bè kem dumun, okóm yóm tau sidek baluhen hensideken knóen.

1 Tutul Israél 16:12

Yu kem tau semfu gu bè Israél, yóm tau tehe kun tóbóng lówó Dwata, ne yu kem tau semfu gu bè Jakub yóm tau tehe kun nélék Dwata, hentulón ye nawa yó kem hentaw ton tehe gel nmò Dwata bélê le. Hentulón ye nawa snéen yóm tehe gel ktafaken yó kem hohon le.

1 Bok Kem Tau Hol Geta 18:18

Bnalà Ilaydya se, monen, “Là kóe tau mit sbeweg bè Israél dou, kaem uu ne yó kem fes lówó maem, abay se là kô dog nimón ye du yó kem hlau Dwata, ne deng ye mom tmaba ebè yó kem dwata kéng boluyen Baal.

1 Samwél 27:1

Okóm ke Dabid, yó hendemen, “Angat wen kdawen hnatay Sol ou. Mom hyu ke mlóye etu bè benwu kem Flistin. Ke ni nmou là bud hnebel Sol dou bè ni bè benwu Israél. Laen dù hemenu ditu.”

1 Samwél 16:2

Okóm yó mon Samwél, “Tedu de mò kmou du? Ke angat gungol Sol, déke tódô hnatayen o.” Ne yó balà Dwata du, monen, “Miti sotu safì libun ebè Bitlihim, yóm là dengen mngà ne tulónem yó kem tau bè yó, monem, ‘Mógówe edini naw e demsù ebè Dwata.’

Dwata 7:7

Là kóen lemwót bè yóm tey kwen ye yóm gónó Dwata kembong nawa kuy ne mélék kuy. Bè ktahuhen, yu se yóm but tau tehe là holen wen bè kdéen but tau talak tonok.

Dwata 4:17

ógóf duhen ke onuk koyu,

Tekang Kbuten 46:27

Ominen temnù yó kem lewu ngà Jusif sut bè Idyip. Yó kwen fes lówó Jakub bè yóm kdaw yó, deng hitu folò kwen le.

Tekang Kbuten 12:12

Ke angat ton le uu yó kem tau Idyip ne tngón le uu se yehenu, déke hnatay le ou ne fen hlowil le uu.

Tekang Kbuten 12:2

Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.

Tekang Kbuten 34:2

Tikóng ton Sékém yóm ngà Hamor, yóm tau hol geta bè yó kem tau Hibayt tódô kenfóen, ominen gmaga semtungô du.

Tekang Kbuten 34:29

Gotu negef le yóm kdê kendengen le, gomong kem yehen le ne kem ngà le, kkólen bè yó kem kdê nô lem gónô le, gotu negef le.

Tekang Kbuten 34:31

Okóm yó balà le ke mà le, mon le, “Ilóem tódô bayà tekuy ne kô ke nmò le libun hdóyón yóm libun me?”

Tekang Kbuten 46:26

Yó kwen fes lówó Jakub mung du ebè Idyip nem folò nem kdê le, là gomong nsó le kul yó kem yehen yó kem ngaen.

Dwata 4:27

Ke là mimón ye, angat gotu senkla Dwata yu ebè yó kem tólóng benwu ne là holen wen bélê ye bud mowil bè yó kem benwu gónó Dwata e mlo kuy.

Tekang Kbuten 12:6

tódô henlós Abram mógów lem yóm benwu yó efet gefet bè yóm tey koyu bong bè Muri yóm benwu moni bè syudad Sékém. Bè yóm kdaw yó, tolo le nô bè yóm benwu yó kem tau Kanan.

2 Samwél 16:21

Yó mon Ahitufél mò ke Absalum, monen, “Wen kem libun nmu maem tebelen bè ni mò mentey yóm gónô bong. Mógówi etu bélê le nam e sentungô lu. Ke tngón yó kem tau Israél yóm alì khefebutem ke maem, ngem kà temnù ketgel le kóm.”

1 Bok Kem Tau Hol Geta 11:25

Bè yóm tolo dù halay Selumun mogot benwu efet katayen, Risun se yóm alì hmohon yó kem tau Israél, sónmoen sembeweg kul, lómón yóm kun deng nmò Hadad. Tey tendo kutó nawa Risun kul yó kem tau Israél, ne du se hlós tau hol geta bè Aram.