Tekang Kbuten 34:20 - Udél Dwata: Gna Kesfasad ne Lomi Kesfasad

²⁰ Duhen yó, lemwót Hamor lewu le Sékém, mógów le ebè bak tikeb yóm syudad le, stulón le bè yó kem tau malak bè yóm syudad yó, mon le mò kul,

Tekang Kbuten 34:20 Referans Kwoze

Rut 4:1

Lemwót ke Buas kun, mógów ebè yóm gónó le gel stifun bè bak tikeb yóm benwu yó ne bè yó gónón myón. Ominen mton yóm tau tehe monen hol moni bè Ilimélék, yóm tau tehe tulónen ke Rut ne tnabahen, monen, “Ó Wè, mógówi edini kun nam e myón.” Tahu se, mógów ebéléen, ne myón.

Sikaraya 8:16

Okóm ni mò hol nmò ye, ke wen gel tulón ye bè kem dumu ye, són tulón ye yóm tahu. Bè gónô skukum, hol hentedeng ye kkukum ye anì menek nawa ye.

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Amus 5:12

Abay se deng gotu tngónu yóm alì kwen yó kem salà ye ne gotu tngónu yó kem dumu sidek gel nmò ye. Gel hen-gnok ye yó kem tau tedeng kmò le, lel ye gel ma mò wa nawa ye ne gel henseng ye bè kukum yóm kul ktahu yó kem tau élél.

Amus 5:10

Tey kutó nawa ye du yóm tau gel tedeng kukumen. Bud knutó nawa ye snéen yóm tau gel tmulón tahu bè kukum.

Kem Udél Hlalak Tehe Selumun 31:23

Tey tótól yóm tuha logihen bè gónó skukum ne du se sotu logi gónó le galak bè kul benwu.

2 Samwél 15:2

Tódô ket kdaw Absalum gel temkifu btik, ne gel mdà bè yóm kilil lan mógów ebè bak tikeb yóm syudad. Ke wen tau mlan bè yó tô mógów ebè yóm tau hol geta na a klamo, sal gel tnaba Absalum, monen mò du, “Gónóm gu lemwót de?” Yó balaen du yóm tau yó, monen, “Ou se sotu tóbóng lówóhem lemwót bè sotu tbong Israél.”

Tekang Kbuten 23:10

Deng eles myón bè yó Ifron lem blóng yó kem dumuhen tau Hitayt bè yóm gónó le gel stifun bè bak tikeb yóm syudad le. Tódô kdéen tau bè yó gotu mungol du yóm kbalaen ke Abraham, monen,

Tekang Kbuten 22:17

Ne angat hol hwenu bólem, lómón kwen le blotik bè longit ne lómón kwen le helek bè kilil mohin. Ne angat le gel matù bè yó kem hohon le.

Tekang Kbuten 34:19

Lemwót bè yóm alì kbong nawa Sékém ke Dina, tódô kendel nmoen yóm hmò le du yó kem logi Dina. Yóm Sékém ni, du se hol nadat yóm kdê fes lówóhen.

Tekang Kbuten 34:21

“Ni kem tau ni, hulung le mit swè bélê me. Hnô tekuy lu bè ni ne lem blóng tekuy, ne gbek le mò udél swa bélê tekuy. Yakà teyen lamang nim tonok tekuy mò gónó le nô. Gbek tekuy myehen yó kem ngà le libun, ne gbek le se myehen bè yó kem ngà tekuy libun.

Kem Lingón 127:5

Tey kligalen yóm tau ke wadag hanaken. Là kô le gemmò béléen yó kem hohonen anien ke ston le bè gónô skukum.