Tekang Kbuten 33:4 - Udél Dwata: Gna Kesfasad ne Lomi Kesfasad

⁴ Okóm ke Iso kun, tódô mlóy ebè Jakub nan e lenagaf lenkef ne neleken. Ya tey keskik le.

Tekang Kbuten 33:4 Referans Kwoze

Kem Lingón 34:4

Bè yóm tehe knihu bè Dwata, bnalaen ou se. Gotu kóhen béléu yóm kdê gel knikou.

Kun Snulat Luk 15:20

Tahu se, lemwót yóm ngà tehe htabag yó, ne mulék ebè maen. Bè yóm hanà tolo klayuken bè gónô le, maen gna mton du. Ya tey kkoduhen du. Ominen tódô mlóy nan e senlong lenkef yóm ngaen, lelen melek du.

Tekang Kbuten 32:28

Ne yó bud mon yóm tau yó, “Lemwót bè yóm deng khotuhem gelem ebè Dwata ne bè tau, yó gónóm matù. Là bud Jakub du ne boluyem. Yó tles boluyem, Israél.”

Kul Nmò 20:37

Ya tey sidek keskik le ke Pol yó kem tau bè yó. Tódô sensekef le lel le melek du.

Kem Udél Hlalak Tehe Selumun 16:7

Yóm tau ke sok hefligalen Dwata bè kmoen balù yó kem hohonen bud senfyu Dwata lu.

Tekang Kbuten 46:29

lemwót Jusif tódô hotun ete klisahen nan e senlong maen bè Gusén. Bè yóm keston le, tódô kendel lenagaf lenkef Jusif maen ne ya tey kegen le skik.

Tekang Kbuten 45:2

Tódô hebtù Jusif dlumuhen, botong gungol yó kem tau Idyip ngangen efet tulón le ditu bè gónô bong yóm Faro.

Job 2:12

Bè yóm hanà le tolo mayuk ton le Job, bede là hol dilô le du. Tikóng le kól béléen tey kkik le du, gotu kensê le nes le lemwót bè klangag le. Gotu hensù le kfung te kulu le.

Nihimaya 1:11

Hol hnungolem do yóm hnihu béléem, Dwata. Bud hnungolem snéen yóm kul hni yó kem dumu tau tóbóng lówóhem, yóm wen óyô le madat kóm. Hol tnóbóngem o kemdaw ni ke wen hnihu bè yóm tau hol geta anì knoduhen ou.” Bè yó kem kdaw yó, yó dou nmò, ou fen gel mkay du bè yóm tau hol geta yóm gel ninumen.

Tekang Kbuten 43:30

Bè yóm kmonen du yóm yó, tódô kendel lemwót abay se là gehbalahen du yóm kkiken, bà mon tey sidek klayuk nawan yóm twolihen. Yó gónón tódô husek elem dfélen ne ditu gónón mkik.

Kem Udél Hlalak Tehe Selumun 21:1

Dwata se fen malak du yóm kun kmò kógów kehedem yóm tau hol geta, balù kihu gónó Dwata e bemklil du lómón kebeklilen yóm lel él.

Tekang Kbuten 43:34

Yóm kkay le kul ken, sal lemwót bè kun lemisa Jusif. Botong limu dulék le mkay ken ebè Bindyamin kun senta yó kem dumun. Tey kken le ne tey kinum le bè yóm kmung le mken bè Jusif yó.

Tekang Kbuten 29:11

Ominen melek ke Rakél, botong mkik bè yóm tey kligalen.

Tekang Kbuten 29:13

Timbow gungol Laban se kun yóm tulón ngaen libun gbak ebè Jakub, ominen mlóy nan e senlong, tey kekefen du lelen melek du ne nwiten ebè gónóen. Timbow deng gotu tulón Jakub ke Laban yóm kdéen,

Tekang Kbuten 32:11

Hol hnihu béléem, hol lenwaem ou ke wen sidek tô nmoen béléu yóm twoguhu Iso. Tey sidek klikou, déke sut ne tódô gotu hnatayen mi kdê me, gomong kem libun ne yó kem ngà.

2 Samwél 14:33

Tahu se, tulón Juab yóm tau hol geta yóm udél Absalum. Omin Dabid htaba ke Absalum. Bè yóm kkól Absalum bè yó, tódô hegdufok ebè tonok, botong keheglaanen bè yóm tau hol geta. Botong nelek Dabid Absalum.

1 Samwél 20:41

Timbow deng lemwót yóm ngà, omin Dabid hewà gu bè yóm gónón hebnos moni bè yóm botu luduk. Botong tlu dulék Dabid mtud kuluhen bè tonok bè solu Junatan bè yóm tey kadaten du. Bè yóm keskef le senged kul mkik ne ya tey dlumu Dabid. Omin le yó skó.