Tekang Kbuten 33:17 - Udél Dwata: Gna Kesfasad ne Lomi Kesfasad

¹⁷ Ne fen mógów ebè Sukut kun ke Jakub. Wen gónô hdaen bè yó mò hlun gónóhen nô ne wen kem slung nmoen mò gónó le hgolung yó kem ógófen. Ne yó se gónó le moluy du Sukut yóm benwu yó abay se wen kem slungen.

Tekang Kbuten 33:17 Referans Kwoze

Kem Lingón 60:6

Bè yó bè Gónô Dwata, yó udél Dwata, monen, “Bè yóm kegmou, angat nólólu bè yó kem dou tau yóm benwu Sékém ne yóm datal bè Sukut.

Kmukum 8:5

Tikóng le kól bè Sukut, yó udél Gidyun ebè yó kem tau malak bè yó, monen, “Ke yó dum hyu bélê ye, henken ye lu dou yó kem sendaluu, deng tey sidek kliteg le. Nim nmò me ni, ktes me le Siba ne Salmuna, yóm lewu kem tau hol geta bè yó kem tau Midyan.”

Kmukum 8:16

Omin Gidyun hwa yó kem tey semnual bè yóm benwu laen hol wen tauhen ne hendlà fesen yó kem tau malak bè yó bè Sukut.

Kmukum 8:8

Kewót le Gidyun bè yó, tódô le hlós ebè yóm benwu boluyen Pinwél ne senged snéen tô le bud mni ken bè yó kem tau bè yó. Bud senged se balà le kul yó kem tau bè Pinwél lómón yóm kul balà kul yó kem tau bè Sukut.

Kmukum 8:14

Ne wen ngà logi lemwót bè Sukut kenfóen bè yó ne hsulaten du yóm hitu folò hitu kem tau malak bè Sukut.

Kehewà 13:20

Bè yóm kógów le yó lenwót le bè yó bè Sukut efet le kól bè Itam bè kilil yóm benwu laen hol wen tauhen. Na le na kmamfù bè yó.

Kehewà 12:37

Lenwót le bè yó mógów yó kem tau Israél bè syudad Ramisis efet le kól bè benwu Sukut. Yó kwen kem logi botong nem latu libuhen, là gomong nsó le kul kem libun ne kem ngà.

Tekang Kbuten 33:16

Duhen yó, bè yóm kdaw yó lemwót mulék ebè Idom ke Iso.