Tekang Kbuten 33:16 - Udél Dwata: Gna Kesfasad ne Lomi Kesfasad

¹⁶ Duhen yó, bè yóm kdaw yó lemwót mulék ebè Idom ke Iso.

Tekang Kbuten 33:16 Referans Kwoze

Tekang Kbuten 33:15

Mon Iso se, “Ke lómón yó se kmonem du, yake wen bè yó kem dou tau tebelu béléem mò tmóbóng kóm.” Okóm bnalà Jakub, monen, “Dog ne, syan se deng mulék hyu nawahem ebéléu.”

Tekang Kbuten 33:17

Ne fen mógów ebè Sukut kun ke Jakub. Wen gónô hdaen bè yó mò hlun gónóhen nô ne wen kem slung nmoen mò gónó le hgolung yó kem ógófen. Ne yó se gónó le moluy du Sukut yóm benwu yó abay se wen kem slungen.

Tekang Kbuten 32:3

Wen kem tau hógów Jakub tukô gna ebè yóm twoguhen Iso nô bè benwu Idom.

Kmukum 16:5

Yó nmò yó kem tau malak bè yó kem Flistin mógów le ebè Dilayla, mon le mò du, “Snukatem Samsun anì tulónen kóm yóm gónón lemwót kgisen ne ke tedu nmò me anì gemmò me béléen, anì gfét me ne anì laen dù bud gmoen. Ke tulónem kum, sket benlay me u lemibu bud lematu botù blówón bukay.”