Tekang Kbuten 33:14 - Udél Dwata: Gna Kesfasad ne Lomi Kesfasad

¹⁴ Gnahi kum ne,” mon Jakub, “hganag me huli he. Tódô tógón me bè kganag kógów yó kem ógóf ne yó kem ngà efet gafitu uu bè Idom.”

Tekang Kbuten 33:14 Referans Kwoze

Isaya 40:11

Tey hyu yóm angat kesegyoken kul, lómón yóm tau hyu kesegyoken yó kem ubihahen. Gel sentifunen yó kem ngà ubihahen ne gel sniwihen lu. Ne hen-ganagen malak yó kem yê le.

Tekang Kbuten 32:3

Wen kem tau hógów Jakub tukô gna ebè yóm twoguhen Iso nô bè benwu Idom.

Sulat Pol Ebè Yó Kem Tau Hemtahu Bè Rom 15:1

Yóm kdê tekuy deng mbegel bè kehtahu hol tekuy gel hanay nawa bè yó kem tau tolo wen gónó le lunog. Bê tekuy olo hemdem yóm hyu bè knô tekuy.

Mark 4:33

Yóm gel ktolok Jisas, tey dê hlingón nmoen bélê le. Tódô toloken kul yóm bang kul getnef.

2 Tutul Israél 20:10

Ne ni, hnénégem dé yóm nmò yó kem tau Amun, ne tau Muab, ne kem tau lemwót bè bulul Sér. Bè yóm tehe kehewà le gu bè Idyip yó kem tehe fù me ekni, là kô hundugem du kul yó kem benwu ni kem tau ni. Tódô nius le, là kô genlà le kul.

Kmukum 5:4

Ó Dwata, bè yóm kewótem gu bè Bulul Sir ne bè yóm klanem gu lem benwu Idom, tódô megsinsig yóm klamang benwu ne tey kulón tódô tbó gu bè longit.

1 Kurin 3:2

Ke hlingónu du yóm tehe ktoloku lem blóng ye, lómón ke gatas hinumu kuy abay se là deng gbek ye du he yóm ken mgel. Efet nim kmoen ni là kô deng gbek ye du he.

Tekang Kbuten 33:13

Mon Jakub se, “Tngónem se, dou gónó mogot, tey ganag kógów me, là deng le hol kemgis mógów he yó kem ngà. Ne yó kem ubiha ne yó kem safì malak ngà, ke tô henslou kógów le balù tek sendaw, déke gotu le matay yó kem ógóf.

Tekang Kbuten 32:4

Yó hlauhen kul, monen, “Ni hol tulón ye yóm gónóhu mogot Iso, mon ye, ‘Yó gónón là géhél gulék Jakub yóm tau tóbóng lówóhem abay se tódô nô bè mà dì ye Laban. Ne ni se yóm bang kuléken.