Tekang Kbuten 33:11 - Udél Dwata: Gna Kesfasad ne Lomi Kesfasad

¹¹ Hol henmóyóem sen nim blayu kóm ni.” mon Jakub. “Tey klinggel nawahen ebéléu yóm Dwata, tódô gotu blayen dou yó kem wen muhu du.” Tódô kem henlel Jakub mubug ke Iso efet henmóyô Iso yó kem basa Jakub du.

Tekang Kbuten 33:11 Referans Kwoze

Flipay 4:18

Duhen yó, ni sii mò lesibuhen yóm kdê deng blay ye do, botong wen lukasen béléu lemwót bè yóm blay ye do yó. Laen kô dù hendeenu ni kmoen ni lemwót bè yóm blay ye dou hlan ye bè Ipafruditus. Ni kem blay ye dou ni, hol lómón yóm gel dsù le alì minggel boohen gel blay le ebè Dwata, yóm dsù gel henmóyóen, ne yóm gónón gel hyu nawahen.

1 Samwél 25:27

Ne ni, henmóyóem nim basahu kóm dalang se yó kem tauhem.

2 Bok Kem Tau Hol Geta 5:23

Mon Naaman se, “Yake nem folò wolu kilu blówón bukay dé blayu kóm.” Tey kubug Naaman ke Gihasi anì henmóyóen yóm filak yó, hyu suen lem yóm lewu bag, mung du yóm lewu tengeb nes. Blayen bè yó kem tóbóng lówóhen anì lu fen mit du tukô gna ke Gihasi.

Tekang Kbuten 33:9

Okóm yó mon Iso mò du, “Deng tey wen ne dou, Woli. Mò kóm ne yó kem deng gutahem.”

1 Timuti 4:8

Wen muhen bélê te ke nmò te yóm nmò gónón kemgis lówó te. Okóm milud he kehyuhen bélê te ke nmò te yóm nmò gónó te gulit bè yóm klolò te ke Dwata. Wen se muhen bè yóm klowil te ni kmoen ni, sélétem ne bè yó dum klowil te bè longit hulin kdaw.

2 Kurin 6:10

Baluen ke wen gónón gel blat nawa me, sal gel wen gónó me hligal snéen. Tey me élél se kum, okóm lemwót bè yóm ktolok me tey dê tau gemwa du yóm kendengen laen dù tul sónen. Laen dù kwa me se kum, okóm tódô gotu gfun me kdéen.

1 Kurin 3:21

Duhen yó, là hyuhen bélê ye ke mtukul tau salù ye. Bè ktahuhen, ou ne Apulus ne Pitér, dumu me stóbóng mò du yóm kuy kehyu. Hono kuy kehyu snéen yóm klamangen benwu, ne yóm klowil ye ne balù yóm angat katay ye, ne yóm gel sut bélê ye nim kmoen ni duhen ke yóm angat sut elem hulin kdaw, ni kdéen ni, hono kem kuy kehyu.

Kun Snulat Luk 14:23

Ne bud dók yóm tau fun gónô, monen, ‘Mógówi do elem bulul dé ebè tu kem lan lemnek, ne hol nubugem lu anì mosol le se kul, anì hol seklot tau lem gónóu.

2 Bok Kem Tau Hol Geta 2:17

Okóm tey kubug le ke Ilaysa, ngangen efet myak bè yóm tô là khógówen kul. Yó gónón mon du, “Yó ne, hewótem lu.” Tahu se, hewót le lu yóm limu folò kem tau yó. Botong tlu kdaw le tô hmebel ke Ilaydya, okóm là kô ton le du.

1 Samwél 30:26

Timbow le kól bè Siklag le Dabid, lemwót yó kem dumu deng negef le hwiten ebè yó kem ween malak bè Juda. Yó udél hmungen du, monen, “Ni se basahu kóm lemwót bè yó kem deng negef me bè yó kem tau hohon Dwata.”

Tekang Kbuten 33:10

Okóm yó mon Jakub, “Béem mom tô kenbê. Ke deng mulék hyu se nawahem ebéléu, henmóyóem sen yó kem basahu kóm yó. Bè yóm ktonu lem uyóhem ni, hol lómón ke deng tonu lem uyó Dwata lemwót bè yóm tey kehyu yóm nmoem béléu ni.

Tekang Kbuten 33:12

Omin Iso mon du, “Yó ne, lemwót tekuy, fene gna bélê ye.”

Tekang Kbuten 32:21

Duhen yó, gna hwiten yó kem mò blayen ke Iso, okóm kun fen tebel bè yóm gónó le kmamfù bè yóm kifu yó.