Tekang Kbuten 32:30 - Udél Dwata: Gna Kesfasad ne Lomi Kesfasad

³⁰ Yó udél Jakub, monen, “Denge tódô suyó ke Dwata dou, hol là bangen du ke là mataye.” Ne yó boluyen du yóm benwu yó, Pinyél.

Tekang Kbuten 32:30 Referans Kwoze

Lista 12:8

Yó gónóm mon, ke stulón me tódô me suyó ne tey mtukul kestulón me, là hlanu du bè hléd. Deng tódô tonen yóm kmou. Kihol ye kóem mlos mudél etahen, yóm dou tóbóng lówó?”

Tekang Kbuten 16:13

Bè yóm deng kulék yóm hógów Dwata tódô mudél tek sotu Hagar, monen, “Tey, deng tonu Dwata dou, kiholu là matay?” Ne yó boluyen du yóm Dwata mudél ebéléen yó, “Yóm Dwata hol mton dou.”

Isaya 6:5

Botong monu, “Adéy, laen dù bud nefet nawahu ne. Denge golu elem hatay ne dou abay se ket udél btang bè sumóngu hono sidek. Lelen yó he nóe lem blóng yó kem tau sónmoen sidek kudél le. Blaem ni, tódô dou mata mton du yóm hol dandónen geta yóm Dwata laen dù là gbeken du.”

Dwata 5:24

ne mon le mò dou, ‘Deng hton Dwata kum, yóm sana kut Dwata hol gónó mogot, yóm tey keslinangen ne yóm tey kegetahen bè yóm kungol me du yóm udélen gu lem yóm dilóf ofi. Deng tngón me kemdaw ni gbek tau mowil anien ke deng mudél ebéléen Dwata.

Kun Snulat Jan 1:18

Yóm Dwata, laen kô tau deng mton du he. Okóm tek són yóm kun Ngà yó deng hetngón du tekuy yóm kmò Maen, abay se hol le senged Maen yóm Ngaen, ne senflósen nô béléen yóm Ngaen yó.

Hibru 11:27

Yóm tehe ktagak Musis yóm benwu Idyip, lemwót bè yóm kehtahuhen bè Dwata là kóen dog likò bè yóm tey kebut Faro du. Hol lómón ke deng eles tonen Dwata, yóm là ton mata tau du, ne yó se hol nimónen.

2 Timuti 1:10

Okóm ni deng hegfanen ne yóm któbóngen kut bè yóm tehe ksut Krays Jisas lem nim benwu ni, yóm deng lemwà kut gu lem hatay. Deng nmò Krays sónen yóm hatay, ne hlanen bè yóm Tulón Hyu gónón hegfan du yóm kwen klowil laen dù sónen.

Ifisus 1:17

Gele mni bè yóm Dwata alì mfasang, yóm mà Jisas Krays yóm gónó tekuy mogot. Gel hnihu béléen anì blayen kuy yóm kun Tulus mò gónó ye baling hulung hedem, ne mò hegfan du bélê ye yóm kun kmò Dwata anì hol temnù ketngón ye du.

Kehewà 33:14

Mon Dwata se, “Yó ne bude mung kuy ne bud tendo gel hegmou yu.”

Kulasi 1:15

Yóm Dwata, laen kô tau mton du. Okóm bè Krays hol gónó tekuy mton du yóm kun kmò. Gu laanen là deng wen dlimun Dwata he, deng sana kem yó ne ke Krays kun. Laen kô dù bè kdê deng dlimunen ke geta sentahen.

Glasya 1:6

Ya tey sidek ketngahu kuy. Là kóen deng legen yóm kehtahu ye, deng sana mom bud knogol ye Dwata igoen du deng tehe tmaba kuy ebéléen, hlanen bè yóm kun tóbóng Krays. Deng mom henmóyô ye yóm mon le sotu tulón hyu kun.

2 Kurin 4:6

Bè yóm tehe kedlimun Dwata yóm klamangen, yó udélen, monen, “Dlimunu layag mò lemayag lem kifu.” Tahu se, tódô lemayag. Yóm Dwata mò du nim ni, ni se yóm Dwata deng hlayag lem hendem me anì hol dilô me yóm tey klinggel nawa Dwata gfan lem uyó Jisas.

2 Kurin 3:18

Duhen yó, kdê tekuy deng hemtahu, deng gfan lem uyó tekuy ne yóm kun keslinang yóm gónó tekuy mogot, ne laen kô dù bud sengen ne. Yóm gfan bélê tekuy yó, hol lemwót gu bè yóm gónó tekuy mogot. Bè yóm igò tekuy temngel ebéléen, igoen hembaling tekuy mò mkél béléen, ngangen mò du efet tekuy hol mkél du. Yóm gónó tekuy mogot yó, du se yóm hol Tulus Dwata.

1 Bok Kem Tau Hol Geta 12:25

Omin Jirubuam hbegel du yóm benwu Sékém yóm benwu lem yó kem bulul lemnek snakuf Ifraim, ne nahen na nô bè yó. Kogolen bè yó, bud tnagaken, ne bud hbegelen yóm benwu Pinwél.

Kmukum 8:17

Ne gotu genbaen yóm gónô geta gónó le gel heklung bè yó bè Pinwél ne gotu hnatayen snéen yó kem logi bè yóm benwu yó.

Kmukum 8:8

Kewót le Gidyun bè yó, tódô le hlós ebè yóm benwu boluyen Pinwél ne senged snéen tô le bud mni ken bè yó kem tau bè yó. Bud senged se balà le kul yó kem tau bè Pinwél lómón yóm kul balà kul yó kem tau bè Sukut.

Dwata 34:10

Laen dù dumu tugod Dwata bè yó bè Israél ke mkél ke Musis, yóm tódô kessuyó le Dwata ke gel le stulón.

Tekang Kbuten 28:19

Yó boluyen du yóm benwu yó, Bétél. Yó tehe boluyen yóm benwu yó, Lus.

1 Kurin 13:12

Yóm ketngón tekuy ke Dwata nim kmoen ni, hol lómón ke temngel tekuy elem yóm ma olung là holen tikaw. Okóm angat wen kdawen tódô tekuy suyó du. Nim kmoen ni, là dengen hol ket he yóm ketngón tekuy du. Okóm bè yóm kdaw yó, angat tódô ket du, hol lómón yóm deng ketngón Dwata tekuy nim kmoen ni.

Juswa 5:13

Bè yóm igò Juswa móyón gdofì bè Jiriku, tódô kento tonen yóm tau mdà bè soluhen mogot sudeng. Omin Juswa hloni ebéléen ne snólóken, monen, “Tmau kóm de? Uu kô sotu bè yó kem sendalù me duhen ke hohon me?”

Tekang Kbuten 35:9

Bè yóm deng kulék Jakub gu bè Misuputamya yó, bud hegfan béléen Dwata ne bud wen oluhen du.

Kmukum 13:17

Mon Manu se, “Ó Wè, tulónem kum boluyem dé. Ke tahu se yóm tulónem kum, móyô me ke wen gónó me hegfan du yóm kadat me kóm.”

Kmukum 13:18

Ne yó balaen du yóm hógów Dwata yó, monen, “Moen du ke snólókem boluyu? Baluen ke tulónu kuy, là kô glileb ye du.”

Isaya 9:5

Angat gotu mlób bè ofi tlumfà yó kem sendalù tô gemlà kul yó. Ne yó kem nes le tódô tfeng litô, gotu mlób snéen.