Tekang Kbuten 32:16 - Udél Dwata: Gna Kesfasad ne Lomi Kesfasad

¹⁶ Gotu sentólóngen lu bè ket kayen ne sket wen sotu tóbóng lówóhen mò halaken kul. Yó monen mò kul, “Mógów ye tukô gna dou, bede nmò ye blóngen yóm ket kay ógóf nalak ye.”

Tekang Kbuten 32:16 Referans Kwoze

Matyu 10:16

“Ngem,” mon Jisas, “bè nim khógówu kuy ni, lómón ke ubiha mógów elem blóng tu kem lóbô lem bnes boluyen wolf. Hol ye hfulung temgama, lómón yóm kul khulung temgama yó kem ulal. Ne hol hninggel ye knawa ye, lómón yóm kul klinggel knawa yó kem obun.

Kem Udél Hlalak Tehe Selumun 2:11

Yóm khulungem mit du hyu yóm kmoem ne yóm khulungem temnef yó se yóm kemlung kóm.

Kem Lingón 112:5

Hyu kun yóm tau mahil bemlay, yóm tau mahil hutóng ne là lenugihen yó kem dumuhen bè udél swa.

Tekang Kbuten 32:20

hol mon ye mò du, ‘Tahu se, yó huli kum Jakub, yóm tóbóng lówóhem.’ ” Yó hendem Jakub, “Ke wen blayu du, déke mulék hyu nawahen ebéléu. Ne ke segeslong me, déke hnifóten ou.”

Tekang Kbuten 32:17

Yó monen bè yóm tóbóng lówóhen malak ógóf tukô gna, “Ke geslongen uu yóm twoguhu Iso ne ke snólóken uu, ke monen, ‘Tau du gónóhem mogot? Gónóm e solu de? Tau du mfun kul ni kem ógóf nalakem ni?’

1 Samwél 25:19

Ne yó monen bè yó kem tóbóng lówóhen, “Gna ye todole kuy.” Okóm là tulónen du ke tuha logihen yóm nmoen yó.