Tekang Kbuten 31:53 - Udél Dwata: Gna Kesfasad ne Lomi Kesfasad

⁵³ Yó hem kul Dwata le Abraham ne Nahor mò fen angat kmukum kut ke nulé te yóm deng senfasad te ni.” Tahu se, tódô lolò Jakub yóm deng senfasad le yó hlanen bè boluy Dwata yóm gónón mogot maen Isak.

Tekang Kbuten 31:53 Referans Kwoze

Tekang Kbuten 31:42

Ke là elesen tendo mung dou yóm Dwata téméu Abraham ne mau Isak, déke tódô gbekem hulék dou hkawang dilóu. Okóm deng ton Dwata yóm kgelen béléu ne tonen snéen yóm alì kmou nmò béléem ne ebuteng heknahen kóm yóm kfihen dou.”

Tekang Kbuten 16:5

Ne yó mon Saray mò ke Abram, “Kóm salà yóm là bud kadat Hagar dou ni. Igò sem ou du yóm tehe hedwey du kóm, okóm lemwót bè yóm deng keblututen deng mom là bud nadaten dou. Dwata he kmukum du ke mahi du bélê te tahu.”

Juswa 24:2

Yó udél Juswa ebè kdê yó kem tau Israél, monen, “Ni se udél Dwata, yóm sana Dwata hol gónó tekuy mogot yó kem tau Israél. Yóm tehe yu ekni, tehe le menwu ditu sentu Él Yufratis yó kem fù ye ne gel le tmaba ebè yó kem dumu dwata kéng. Yóm sotu bè yó kem tehe fù ye yó ekni duhen Tira yóm mà le Abraham ne Nahor.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Dwata 6:13

Hol sù ye bè nawa ye yóm klikò ye du yóm sana kuy Dwata hol gónó mogot. Olon du gónó ye gel tmaba. Ke wen fasad ye, són bè kun boluy gónó ye hlan du.

Tekang Kbuten 28:13

Ne knahen Dwata mdà klohoken, yó mon Dwata mò du, “Ó Jakub, ou se yóm Dwata hol gónón mogot yóm téméem Abraham ne yóm maem Isak. Yóm tonok gónóm hlilil ni, blayu kóm ne yó kem angat sfuhem.

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Tekang Kbuten 14:22

Bnalà Abram se, monen, “Smafae ebè yóm Dwata hol geta bè kdéen, yóm Dwata tehe mò longit ne tonok,

Tekang Kbuten 11:31

Bè yóm kdaw yó, yó nmò Tira nwiten Abram yóm ngaen logi, ne Lat yóm téméen, ne Saray yóm towuhen yehen Abram. Tebelen yóm syudad Ur snakuf Babilun, tô mógów etu bè Kanan. Ngang le mò du mógów efet le kól bè yóm syudad boluyen Haran ne bè yó gónó le henek nô.

Tekang Kbuten 31:52

Ni kem deng nmò te ni mò tendo gel hentulón nawa te. Là kô gbeku mius du ni kem botu ni ke tô nundugu uu. Dalang se kóm, là kô gbekem mius du ke tô nundugem ou.

Tekang Kbuten 47:31

Bud mon Jakub, “Smafai kun ke tahu yóm monem mò dou yó.” Tahu se, smafà Jusif. Ne tódô dóyón Jakub Dwata bè yóm gónón nô.

Kehewà 5:21

Yó mon le mò ke Musis ne Aron, mon le, “Deng ton Dwata yóm nmò ye ne angat tnafaken yu bè yóm nmò ye ni. Lemwót bélê ye gónó Faro mutó nawa kum ne yó kem genlalen. Yu henged mni du yóm khatay le kum.”

1 Samwél 20:23

Ne Dwata he hemlós du nim deng senfasad te ni, yakà deng gungolen.”

1 Samwél 24:12

Dwata he kmukum kut. Déke tnafaken u bè yóm tô nmoem béléu. Okóm béléu do, là kô gbeku du ke tô hensideku uu.