Tekang Kbuten 31:46 - Udél Dwata: Gna Kesfasad ne Lomi Kesfasad

⁴⁶ Ominen mdók yó kem tauhen anì smuduk le botu. Timbow deng kesluduk le botu, omin le gotu mken bè yó klohoken.

Tekang Kbuten 31:46 Referans Kwoze

Kehedem Tau Tmolok 3:5

Wen se kdaw sembulét botu ne wen se kdaw bud semtifun du. Wen se kdaw sekef ne wen se kdaw slayuk.

2 Samwél 18:17

Omin le ma lówó Absalum, ne bot le elem tum tey sol bong lem dlag, tódô hennok le botu tahen. Lemwót yó kem sendalù Israél, gotu le mlóy ebè kul gónô.

Juswa 7:26

Tikóng deng gotu hkekeb le lu, tey botu snuduk le ta le ne efet nim kmoen ni sana knóen bè yó, yó kem botu yó. Lemwót bè yóm gfà le Akan bè yó, yó gónó le moluy du Datal Gfà yóm datal yó efet ni kmoen ni. Ominen yó he mkó ta yó kem tau Israél yóm tey kebut Dwata kul.

Tekang Kbuten 31:54

Wen ógóf hnatayen ne dsuen ebè Dwata bè yó ta bulul ne htabahen yó kem dumuhen ebè yóm ken nmoen. Timbow deng kken le, omin le na bud tungô bè yó suloy.

Tekang Kbuten 31:37

Ne ni, bè yóm deng ksisifem mebel du bè kdê yó kem kimuhu, kimu du se tonem? Hlasaem bè ni sen anì ton yó kem tau te. Hkukumem kul mahi du bélê te tahu.

Tekang Kbuten 31:32

Okóm bè yóm dwata lennged nô lem gónóem, ke wen se tau gónóm mton du bè ni, tódô hnatay kmò du. Hol hnebelem yóm kóm, ne ke tonem, tódô nwahem. Ne ni kem tau te mung kut ni mò fen temksì du.” Là kô tngón Jakub du yóm fen knagaw Rakél du yó kem dwata lennged maen.

Tekang Kbuten 31:23

Lemwót Laban, gotu niten yó kem tauhen na le e ktes Jakub. Botong hitu kdaw le kemtes du efet ton le lu kmamfù bè yó kem ngà bulul bè benwu Gilyad.

Tekang Kbuten 31:45

Tahu se, ma sotu botu Jakub ne hdaen eta mò gel heftulón du bè nawa le yóm senfasad le.

Tekang Kbuten 31:47

Yó boluy Laban du bè udél Aramik yóm botu luduk le yó, Jigar Saharduta. Ne yó kun boluy du Jakub bè udél Hibru, Galid.