Tekang Kbuten 31:45 - Udél Dwata: Gna Kesfasad ne Lomi Kesfasad

⁴⁵ Tahu se, ma sotu botu Jakub ne hdaen eta mò gel heftulón du bè nawa le yóm senfasad le.

Tekang Kbuten 31:45 Referans Kwoze

Tekang Kbuten 31:46

Ominen mdók yó kem tauhen anì smuduk le botu. Timbow deng kesluduk le botu, omin le gotu mken bè yó klohoken.

Tekang Kbuten 35:14

Bè yóm gónó Dwata mudél ebéléen yó koni, wen botu hteg Jakub mò heftulón du bè nawahen. Ne wen yóm gel ninum le ne yóm hnolo ulib twélen tahen mò gónón hetfing du ebè Dwata.

Juswa 24:26

Gotu snulat Juswa ni kem hlauhen kul ni bè yóm bok gónóhen nô yó kem Hlau Dwata. Ominen hwa sotu botu bong ne hluyen laan yóm koyu boluyen ok moni bè yóm Gónô Dwata.

Juswa 24:27

Yó udélen ebè yóm kdéen tau, monen, “Deng gotu gungol nim botu ni yóm kdê udél Dwata ebélê tekuy kemdaw ni, yóm sana Dwata hol gónó tekuy mogot. Ni se fen temksì du ke nulé ye yóm deng mon ye yó.”