Tekang Kbuten 31:40 - Udél Dwata: Gna Kesfasad ne Lomi Kesfasad

⁴⁰ Dê duléku ne gmumfak du yóm tey ékét nóng kdaw ne yóm tey ketnawen ke kifu, là kóen gel mdengen ktungóu.

Tekang Kbuten 31:40 Referans Kwoze

Hibru 13:7

Gel hentulón ye nawa yó kem tau tehe gónó ye galak, yó kem fen tehe gel tmolok kuy yóm Udél Dwata. Hol hendem ye yóm kmò kwit le ktau le efet katay le, ne hol dnalang ye yóm kehtahu le bè Dwata.

Kun Snulat Luk 2:8

Bè yóm benwu yó, wen kem tau gel semgyok ubiha ditu lem bnes.

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Tekang Kbuten 31:39

Ket ubiha gel hnatay yó kem ógóf lem bnes sal tódô ou gel temles du. Là kô dog hegfanu du béléem wadag gónóm temngón du là dou salà du. Ke wen gel hennagaw le kemdaw duhen ke kifu, sal bud gel hetlesem dou.

Tekang Kbuten 31:41

Yó se yóm kdê deng glanu béléem lem yóm lewu folò halay knóu béléem. Botong sfolò fat halayu kegenu mò nmò béléem anì gyehenu yó kem lewu ngaem libun, ne bud nem halayu he na bud mò nmò béléem mò semgyok yó kem ógófem. Lelen yó he, botong sfolò dulékem tendo temles du yóm kmò ksukéyem dou.

Dwata 8:15

Bê ye abay klifót yóm tehe kalaken kuy lem yóm tey benwu alì knikò là hyu menwu du, benwu gónón nô yó kem ulal alì malas ne kem syufón. Bè yóm tonok mékéng laen dù élen yó, tódô wen él hesuten bélê ye bè yó gu lem yóm tey botu.

Hagay 1:11

Deng hesutu lem benwu ye yóm tey kinì bong. Deng gefet bè yó kem bulul ne bè yó kem halay ye ne bè yó kem bungu grép hulu ye ne bè yó kem koyu ulib ye. Deng gefet ne bè kdê yó kem hulu tmowok bè tonok ye. Balù tau ne ógóf gotu gemnóm du nim tey kinì ni. Gotu glumfak yóm kdê hulu ye.”

Kem Udél Hlalak Tehe Selumun 31:18

Tngónen yóm tey kbong muhen yóm nmoen mò gel hbaluen ne balù kifu sana kmoen du.