Tekang Kbuten 31:38 - Udél Dwata: Gna Kesfasad ne Lomi Kesfasad

³⁸ Deng lewu folò halayu nô béléem. Yó kem ubihahem ne yó kem kambingem balù sulék ke deng wen gónó le tô là mngà. Ne balù sulék ke denge tmétê bè yó kem ubiha logihem.

Tekang Kbuten 31:38 Referans Kwoze

Dwata 28:4

Angat nuyag Dwata yu anì hol wen ngà ye ne anì hol wen tebas ye. Balù yó kem safì ye ne yó kem ubiha ye tey wen ngà le se kul.

Kehewà 23:26

Ke deng ye kól du yóm benwu blayu kuy yó, kdéen libun bélê ye gotu mngà, laen dù bélê le ke gamà ne laen se dù atil. Ne laen se dù tau bélê ye ke ukol towoken.

Tekang Kbuten 31:10

Bè yóm tehe bulón le móyô hembô yó kem ógóf, wen knahu. Yó knahu, tódô kdê yó kem kambing logi móyô hembô, sal le leglis ne kabang ne buling.

Tekang Kbuten 31:37

Ne ni, bè yóm deng ksisifem mebel du bè kdê yó kem kimuhu, kimu du se tonem? Hlasaem bè ni sen anì ton yó kem tau te. Hkukumem kul mahi du bélê te tahu.

Tekang Kbuten 31:39

Ket ubiha gel hnatay yó kem ógóf lem bnes sal tódô ou gel temles du. Là kô dog hegfanu du béléem wadag gónóm temngón du là dou salà du. Ke wen gel hennagaw le kemdaw duhen ke kifu, sal bud gel hetlesem dou.