Tekang Kbuten 30:4 - Udél Dwata: Gna Kesfasad ne Lomi Kesfasad

⁴ Tahu se, hestungóen ke Jakub Bilha, yóm ngà libun heseken.

Tekang Kbuten 30:4 Referans Kwoze

2 Samwél 12:11

Lemwót bè yóm deng nmoem, ou se Dwata angat mò du bè kem fes lówóhem nim ni, wen bè yó kem fes lówóhem angat matù kóm. Wen tau gónów bemlay yó kem yehenem, ne tódô sentungóen lu bè gónón hnas lem mata kem tau.

Tekang Kbuten 35:22

Bè yóm knô le Jakub bè yó bè Idér, lemwót Rubén sentungóen bè yóm sotu libun nmu maen boluyen Bilha. Ya tey sidek kbut Jakub bè yóm kungolen du. Yóm Jakub, wen sfolò lewu ngaen logi.

Tekang Kbuten 33:2

Hegnahen yó kem lewu libun nmuhen ne yó kem ngà le. Bud tmodol Liya ne yó kem kun ngà snéen. Ominen són huli Rakél lewu le Jusif.

Tekang Kbuten 25:6

Okóm bè yóm tolo klowilen, wen se blayen bè yó kem dumu ngaen bè yó kem dumu yehenen boluy le Hagar ne Kitura. Yó kem ngaen bè Kitura, fen hbenwuhen lu bè yóm benwu fi dmata kdaw, hlayuken lu bè yóm ngaen Isak.

Tekang Kbuten 25:1

Bè yóm deng katay Sara, bud myehen Abraham. Yó boluy yóm libun bud yehenen, Kitura.

Tekang Kbuten 22:24

Yó bud tnù yó kem wolu ngà Milka logi, bud wen kem ngà Nahor bè yóm libun nmuhen boluyen Ruma. Yó boluy le, Tiba ne Tahas ne Maaka.

Tekang Kbuten 21:10

Ton Sara yóm nmò Ismaél yó, yó gónón mon du mò ke Abraham, “Hdóhem bè ni yóm libun hesek ni lewu le ngaen. Là kóen hyu bè yóm ngà hesek ke angat gbót gemfun bè yóm kun nfun Isak yóm dou ngà.”

Tekang Kbuten 16:2

Yó mon Saray mò ke Abram, “Lemwót bè yóm là kehngà Dwata dou, yake sentungóem dé yóm libun heseku. Déke mngà anì mò dou.” Tódô nmung Abram yóm mon Saray mò du yó.

Tekang Kbuten 30:5

Ne mlutut Bilha ne mngà logi.

Tekang Kbuten 29:29

Hyu sù Laban bè Rakél yóm libun heseken boluyen Bilha mò gel dóken se kun.