Tekang Kbuten 30:15 - Udél Dwata: Gna Kesfasad ne Lomi Kesfasad

¹⁵ Mon Liya se mò du, “Là gsengel nawahem du he kô yóm deng tódô kledem du béléu yóm dou tuha logi? Ne ni, bud tô nwahem yóm dou bulung mngà ton ngau?” Mon Rakél se, “Ke benlayem ou yóm bulung mngà ton ngaem, hyu kestungóem ke Jakub kifu ni.”

Tekang Kbuten 30:15 Referans Kwoze

Lista 16:13

Là kóyówen béléem he kô yóm tehe kwitem kum hewà gu bè Idyip, gu bè yóm benwu tilob tonoken, anì nam e gotu hnatay mi bè nim benwu laen hol wen tauhen ni? Ne ni, kóyóem he kô ke bud henbalingem mi mò hesekem?

1 Kurin 4:3

Béléu do, là hol hendemu du ke yu duhen ke wen dumu tau tô kmukum du ke denge gulit duhen ke là. Anì sem ou du, là kô hol tngónu du ke denge gulit.

Isaya 7:13

Bè yóm kungol Isaya du yóm mon Ahas yó, yó udélen, “Yu kem tau semfu gu bè yóm tehe Dabid, hol hnungol ye dé yóm balau du yóm mon Ahas yó. Ó Ahas, deng tey sidek kehtakasem kul yó kem tauhem, okóm milud he ksideken yóm nmoem yó abay se Dwata yóm htakasem.

Tekang Kbuten 30:14

Timbow kól bè yóm bulón le muta, lemwót Rubén yóm ngà Liya twogu, mógów ebè yóm gónó le gel mò hulu ne wen tonen bè yó yóm bnes bulung mngà boluyen mandréks ne nwiten eta bè yéen. Yó mon Rakél mò ke Liya, “Yake benlayem se ou yóm bulung mngà nwit Rubén.”

Tekang Kbuten 30:16

Tahu se. Na a móyón kimel bè yó, kól mò nmò Jakub. Senlong Liya ne monen mò du, “Stungói dou kifu ni abay se deng bnayadu uu yóm bulung mngà ton ngau.” Tahu se, stungô Jakub ke Liya bè yóm kifu yó.