Tekang Kbuten 30:14 - Udél Dwata: Gna Kesfasad ne Lomi Kesfasad

¹⁴ Timbow kól bè yóm bulón le muta, lemwót Rubén yóm ngà Liya twogu, mógów ebè yóm gónó le gel mò hulu ne wen tonen bè yó yóm bnes bulung mngà boluyen mandréks ne nwiten eta bè yéen. Yó mon Rakél mò ke Liya, “Yake benlayem se ou yóm bulung mngà nwit Rubén.”

Tekang Kbuten 30:14 Referans Kwoze

Tekang Kbuten 25:30

Yó monen mò ke Jakub, “Tey deng sidek kbitilu ni, henkenem ou dé yóm hulô tnógóhem yóó.” (Yó se but gónó le miba ke Iso Idom, hulô.)

Tekang Kbuten 30:15

Mon Liya se mò du, “Là gsengel nawahem du he kô yóm deng tódô kledem du béléu yóm dou tuha logi? Ne ni, bud tô nwahem yóm dou bulung mngà ton ngau?” Mon Rakél se, “Ke benlayem ou yóm bulung mngà ton ngaem, hyu kestungóem ke Jakub kifu ni.”

Tekang Kbuten 30:16

Tahu se. Na a móyón kimel bè yó, kól mò nmò Jakub. Senlong Liya ne monen mò du, “Stungói dou kifu ni abay se deng bnayadu uu yóm bulung mngà ton ngau.” Tahu se, stungô Jakub ke Liya bè yóm kifu yó.