Tekang Kbuten 3:24 - Udél Dwata: Gna Kesfasad ne Lomi Kesfasad

²⁴ Ne wen kem hógówen gu bè longit hbenteyen bè fi dmata kdaw yóm hungul yó. Wen sudeng sù Dwata bè yó, tódô eles sedlu dilóf bè baken ne tendo hilóy lowi anì laen dù tau gehloni ebè yóm koyu hlowil tau.

Tekang Kbuten 3:24 Referans Kwoze

Hibru 1:7

Ne yó fen udél Dwata gbak ebè yó kem gel hógówen, yó monen, “Yó kem gel hógówu gu bè longit, gbeku hembaling kul lenos duhen ke dilóf ofi.”

Kem Lingón 104:4

Lenos se mò fen gel hógówem, ne yóm silà, yó se mò tóbóng lówóhem.

Kun Snulat Jan 14:6

Bud mon Jisas se, “Ou se yóm lan, ne ou se yóm ktahuhen ne yóm klowil laen dù sónen. Laen kô dù tau gógów ebè Mà ke là mlanen béléu.

Kem Lingón 99:1

Dwata se yóm Hol Geta. Hol le gotu kenkel yóm kdéen tau. Myón bè yóm gónón kmamal bè gónón sóól yó kem hógówen boluyen sirubim. Hol megsinsig yóm klamangen tonok.

Kem Lingón 80:1

Ó Dwata, hol hnungolem nim taba me ebéléem, yakà uu du yóm gel semgyok yó kem tau Israél. Hol hnungolem mi, yakà uu du yóm gel tukô gna kum. Dengi myón bè yóm gónóm myón kmamal geta senta yóm gónó le gel nô yó kem gel hógówem.

1 Samwél 4:4

Tahu se, wen kem tau hógów le ebè Silu mò mangay yóm Slungan Fasad yóm Dwata laen dù là gbeken du, yóm nô lem blóng hafak yó kem hógów Dwata boluy le sirubim. Bè yóm kwit le du yóm Slungan Dwata yó, mung yó kem lewu ngà Ili logi, Hufni ne Finihas.

Juswa 5:13

Bè yóm igò Juswa móyón gdofì bè Jiriku, tódô kento tonen yóm tau mdà bè soluhen mogot sudeng. Omin Juswa hloni ebéléen ne snólóken, monen, “Tmau kóm de? Uu kô sotu bè yó kem sendalù me duhen ke hohon me?”

Lista 22:23

Timbow ton yóm asnu yóm hógów Dwata mdà bè lan wen sudeng nogoten, tódô semyat elem bnes. Botong nfes Balaam yóm asnuhen ne bud nwiten semfulék ebè lan.

Tekang Kbuten 3:23

Yó gónóm mon, tódô hdó Dwata le Adam bè yóm hungul koyu bè Idin anì nbuten mò nmò ta yóm tonok tehe gónó le mò du.

Tekang Kbuten 4:1

Timbow sentungô Adam Ib yóm tuha libunen, tódô mlutut ne mngà logi. Yó udélen, “Lemwót bè tóbóng Dwata dou, yó gónóhu mngà logi.” Ne yó gónóhen moluy du Kain yóm ngaen yó.

Tekang Kbuten 4:14

Deng hdóhem ou gu bè yóm dou tonok ne hlayukem ou béléem. Ne hówówem ou, laen kô dù mtukul gónóhu nô ne. Ke wen tau mton dou, tódô hnatayen o.”