Tekang Kbuten 3:10 - Udél Dwata: Gna Kesfasad ne Lomi Kesfasad

¹⁰ Yó balaen du yóm logi yó, monen, “Gungolu uu se yóm kkólem bè ni okóm likoe, henbnosu uu abay se tódóe hlówó.”

Tekang Kbuten 3:10 Referans Kwoze

Tekang Kbuten 2:25

Bè yóm kdaw yó, tódô mógów hlówó yóm logi ne yóm libun yó, okóm là kô le myak du.

Kem Lingón 119:120

Botong setbol kkelu lemwót bè klikou kóm, knikou yóm angat kkukumem do.

1 Jan 3:20

Baluen he ke tolo sidek kegnóm tekuy du bè yó kem tehe salà tekuy, tódô tngón tekuy yóm tey kehyuhen yóm Dwata, ne gotu tngónen se kun yóm kdéen.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

Isaya 33:14

Yó kem tau gel mò sidek bè Sayun, tey sidek kesetbol kkel le lemwót bè yóm tey alì klikò le. Yó udél le, “Yóm kkukum Dwata tekuy hol lómón ke dilóf ofi laen dù tul katayen. Laen kô dù bélê tekuy bud mowil du yóm ofi lómónen yó.”

Deng Hegfan 16:15

Ne mudél yóm hol gónó mogot, monen, “Ngem, angat le gotu ktut bè yóm kkólu, lómón kektut le ke sut yóm tau mnagaw. Hligal kun yóm tau eles mingat do, yóm tau deng eles hentifesen yóm nes leseken anì là mógówen là mnes bè yóm kkólu, ne anì laen dù gónón myak bè gónón wen.”

Kehewà 32:25

Ton Musis yóm là kegbek Aron mit kul yó kem tau ne deng mom henyak le knô le lem blóng yó kem hohon le,

Tekang Kbuten 3:7

Mung bè yóm kken le du, tódô henmungen wen tngón le ne ton le tódô le hlówó. Yó ne sotu kun ma doun koyu fig, tenbé le mò dowin le.

Tekang Kbuten 3:11

Ne yó snólók Dwata béléen, monen, “Tau du se tmulón du kóm yóm tódô kehlówóhem yó? Deng kenem kô yóm bungu koyu nalihu kuy?”

Kehewà 20:18

Timbow gungol yó kem tau yóm tey lungkul leték ne yóm tey uni féw bong ne ton le se yóm silà ne kebel gu bè yóm bulul yó, tey sidek klikò le, botong setbol kkel le, botong le mdà hlayuk.

Kehewà 20:19

Yó mon le mò ke Musis, “Ke uu mudél ebélê me hnungol me. Okóm ke Dwata, likò me déke matay me.”

Dwata 5:25

Okóm ni tey sidek klikò me du yóm ofi yó tódô gotu genlaen mi. Tódô eles gnóm me gotu me matay ke bud gungol me udél yóm sana kut Dwata hol gónó mogot.

Job 31:33

Ke deng wen salà bnosu lómón yóm gel nmò yó kem dumu tau ne ke là tulónu du yóm salau yó