Tekang Kbuten 29:4 - Udél Dwata: Gna Kesfasad ne Lomi Kesfasad

⁴ Omin Jakub smólók yó kem tau gel mentey ubiha, monen, “Ó kem wè, gónó ye gu lemwót de?” Bnalà le se, mon le, “Lemwót me bè Haran.”

Tekang Kbuten 29:4 Referans Kwoze

Tekang Kbuten 28:10

Kewót Jakub bè yó bè yóm kun benwu bè Birsiba, mógów etu ebè Haran.

Tekang Kbuten 27:43

Yó nmoem, géhéli lemwót etu bè Haran bè yóm logihu Laban.

Kul Nmò 7:4

Ne tahu se, mdó bè yó Abraham, ne mili ebè Haran. Kogol yóm katay maen, yó he bud khili Dwata du ebè nim benwu gónó tekuy nô ni.

Kul Nmò 7:2

Omin Stéfén malà du, monen, “Yu kem dumuhu setwoli ne kem mau, hol hnungol ye nim tulónu kuy ni. Yóm hanà tehe yu he ekni, tódô hegfan ebè yóm fù tekuy Abraham yóm Dwata hol geta bè kdéen. Bè yóm kudél Dwata ebéléen yó, tolo nô bè Misuputamya he Abraham, là dengen mili ebè Haran.

Tekang Kbuten 24:10

Ominen lemwót yóm tóbóng lówó Abraham yó koni, yóm tau hogoten yóm kdê nfunen. Wen sfolò kamél nwiten hono wen lulón le ne mógów etu ebè yóm syudad gónón nô Nahor, yóm twoli Abraham, bè fi bwak bè yóm benwu Misuputamya.

Tekang Kbuten 11:31

Bè yóm kdaw yó, yó nmò Tira nwiten Abram yóm ngaen logi, ne Lat yóm téméen, ne Saray yóm towuhen yehen Abram. Tebelen yóm syudad Ur snakuf Babilun, tô mógów etu bè Kanan. Ngang le mò du mógów efet le kól bè yóm syudad boluyen Haran ne bè yó gónó le henek nô.

Tekang Kbuten 29:3

Ke deng le gotu stifun bè yó yó kem dumu bung ubiha, bud gel kó yóm tau mentey kul yóm botu sengen anì hinum le lu bè yó. Ke deng deng khinum le kul, omin le bud hulék yóm botu seng le du.