Tekang Kbuten 29:30 - Udél Dwata: Gna Kesfasad ne Lomi Kesfasad

³⁰ Bud sentungô Jakub Rakél ne tey kbong nawahen du senta Liya. Ominen yó bud mò nmò bè Laban hitu halay.

Tekang Kbuten 29:30 Referans Kwoze

Tekang Kbuten 31:41

Yó se yóm kdê deng glanu béléem lem yóm lewu folò halay knóu béléem. Botong sfolò fat halayu kegenu mò nmò béléem anì gyehenu yó kem lewu ngaem libun, ne bud nem halayu he na bud mò nmò béléem mò semgyok yó kem ógófem. Lelen yó he, botong sfolò dulékem tendo temles du yóm kmò ksukéyem dou.

Matyu 10:37

Yóm tau ke loloen o,” mon Jisas, “okóm ke alì henlom nawahen kem tuhahen, kéngen yóm kloloen do yó. Dalang se ke alì henlom nawahen kem ngaen, kéngen yóm kloloen do.

Tekang Kbuten 44:27

Yó mon mà mò kum, ‘Tngón ye se tek lewu ngau bè yê huli ye Rakél.

Tekang Kbuten 29:20

Tahu se, botong hitu halay Jakub mò nmò bè Laban anì gyehenen Rakél. Bè kegnóm Jakub du yóm hitu halay, lómón ke tek likóten lemwót bè yóm tey óyóen ke Rakél.

Tekang Kbuten 29:18

ne du se yóm alì nóyô Jakub, yó gónón mon du mò ke Laban, “Ke hyehenem dou Rakél, hitu halayu mò nmò béléem.”

Kun Snulat Jan 12:25

Yóm tau, ke són ktesen yóm klowilen te tonok, angat lanahen yóm klowilen yó. Okóm yóm tau ke là ktesen du yóm klowilen te tonok, angat gutahen yóm klowil laen dù tul sónen.

Tekang Kbuten 44:20

Yó balà me kóm, mon me, ‘Tolo wen he mà me, bede deng tey tuha ne wen se twoli me logi, ngaen bè yóm deng ktuhahen. Tehe wen yóm kun twogu yóm ngà tu, okóm deng matay. Bè yóm kul yê, sónen du dù mowil ne tey kbong nawa mà du.’

Tekang Kbuten 31:15

Hol lómón ke tólóng me tau se kum. Deng hbaluen se mi ne deng gotuhen yóm filak bli lówó me, laen kô dù olò kum du.

Tekang Kbuten 29:31

Timbow ton Dwata yóm là kbong nawa Jakub ke Liya, yó gónón hwen ngaen ne fen laen duen ke Rakél.

Kun Snulat Luk 14:26

“Yóm tau ke loloen o, okóm ke alì gfét nawahen bè kem tuhahen ne bè yehenen, duhen bè yó kem ngaen kkólen bè yó kem dumuhen setwoli, dalang se bè yóm kun klowil, kéngen yóm kloloen do yó.

Matyu 6:24

“Laen dù tau,” mon Jisas, “ke lewu tau gónón mamo segeng gónón mò nmò. Déke mtukul knutó nawahen, ne mtukul se kenbong nawahen. Déke mtukul fen nimónen, ne mtukul se fen sen-gilen. Dalang se kuy,” mon Jisas, “ke són filak ktes ye, là kô gbek ye mimón ke Dwata.

Tekang Kbuten 29:17

Yóm Liya, là gmefet ketngelen. Bong ke Rakél kun, tilob kmò klówóhen ne knóón libun

Tekang Kbuten 29:29

Hyu sù Laban bè Rakél yóm libun heseken boluyen Bilha mò gel dóken se kun.