Tekang Kbuten 29:21 - Udél Dwata: Gna Kesfasad ne Lomi Kesfasad

²¹ Omin Jakub mon du mò ke Laban, “Ó Mà Dì, deng deng ne yóm kmou nmò béléem. Hyehenem dou ne yóm ngaem.”

Tekang Kbuten 29:21 Referans Kwoze

Kmukum 15:1

Deng malù legen udì bè yó geblà bè yóm kdaw muta, lemwót Samsun nauyen yehenen ne wen ngà kambing nwiten mò blayen du. Bè yóm kkólen ditu, yó monen mò ke tuónen, “Tóe mógów elem dfél yehenu.” Okóm là kô hfusek tuónen du elemen.

Matyu 1:18

Ni se mò kewóten yóm tehe ksut Jisas Krays. Yóm yéen Midi, deng leninti yóm sotu sawang logi boluyen Jusif. Okóm yóm gu laan le là deng sgefet, tódô mlutut Midi mlan bè Tulus Dwata.

Tekang Kbuten 38:16

Ominen hloni ebéléen, nbóten stungô, là kô dog dilóen du ke towuhen. Yó snólók Tamar béléen, monen, “Hilu de bayadem dou?”

Tekang Kbuten 31:41

Yó se yóm kdê deng glanu béléem lem yóm lewu folò halay knóu béléem. Botong sfolò fat halayu kegenu mò nmò béléem anì gyehenu yó kem lewu ngaem libun, ne bud nem halayu he na bud mò nmò béléem mò semgyok yó kem ógófem. Lelen yó he, botong sfolò dulékem tendo temles du yóm kmò ksukéyem dou.

Tekang Kbuten 29:20

Tahu se, botong hitu halay Jakub mò nmò bè Laban anì gyehenen Rakél. Bè kegnóm Jakub du yóm hitu halay, lómón ke tek likóten lemwót bè yóm tey óyóen ke Rakél.

Tekang Kbuten 29:18

ne du se yóm alì nóyô Jakub, yó gónón mon du mò ke Laban, “Ke hyehenem dou Rakél, hitu halayu mò nmò béléem.”

Tekang Kbuten 4:1

Timbow sentungô Adam Ib yóm tuha libunen, tódô mlutut ne mngà logi. Yó udélen, “Lemwót bè tóbóng Dwata dou, yó gónóhu mngà logi.” Ne yó gónóhen moluy du Kain yóm ngaen yó.

Tekang Kbuten 29:22

Tahu se, wen ken bong nmò Laban ne gotu tinoken yóm kdéen tau bè yóm benwu yó.