Tekang Kbuten 29:17 - Udél Dwata: Gna Kesfasad ne Lomi Kesfasad

¹⁷ Yóm Liya, là gmefet ketngelen. Bong ke Rakél kun, tilob kmò klówóhen ne knóón libun

Tekang Kbuten 29:17 Referans Kwoze

Tekang Kbuten 12:11

Bè yóm móyón kgefet le bè Idyip, yó monen mò ke yehenen, “Ó Saray, teyi tilob libun nim uu.

Matyu 2:18

“Wen tey dmumu mkik bè yóm benwu boluyen Rama. Anì monem dnumu nkik Rakél kem ngaen ne là kô wen gembek mifa du, abay se, deng le gotu matay yó kem ngaen.”

Jirimaya 31:15

Yó bud udél Dwata, monen, “Wen tey dmumu mkik bè yóm benwu boluyen Rama anì monem, dnumu nkik Rakél yó kem ngaen ne là kô wen gembek mifa du, abay se là kô bud tonen kul ne.”

Kem Udél Hlalak Tehe Selumun 31:30

Yóm nawa olon hyu ta, gsukat du tau ne yóm ktilob libun, mahil lana, okóm megdóyón yóm libun kmikò ke Dwata.

1 Samwél 10:2

Bè yóm kulékem, yó ilô tonem wen lewu tau geslongem moni bè lebeng Rakél bè benwu Silsa nô bè kilil yóm kun benwu Bindyamin. Tulón le kóm yó kem kudà asnu hnebelem deng ton le lu, là bud tnafa nawa maem kul deng mom uu yóm tnafa nawahen, monen, ‘Nô se kun du yóm ngau logi?’

Tekang Kbuten 48:7

Yó gónóhu mò du nim ni abay se lemwót bè yóm yéem Rakél. Tey klangagu du bè yóm katayen bè Kanan bè yóm kulék me gu bè Misuputamya. Deng me moni bè Ifrat ne yóm katayen. Tódô lebengu bè yó bè kilil lan mógów ebè Ifrat.” Yóm benwu Ifrat yó, yó se Bitlihim nim kmoen ni.

Tekang Kbuten 39:6

Tódô gotu hogot Putifar ke Jusif kdéen. Balù udì ke wen bud tnafa nawahen, olohen tódô hemdem kkenen. Yóm Jusif, tey knóón logi.

Tekang Kbuten 35:24

Yó ngaen bè Rakél, duhen Jusif ne Bindyamin.

Tekang Kbuten 30:22

Bè Rakél kun, là kô klifót Dwata du ne bnalaen yóm kun kni ne kóhen béléen yóm katilen anì mngà.

Tekang Kbuten 29:18

ne du se yóm alì nóyô Jakub, yó gónón mon du mò ke Laban, “Ke hyehenem dou Rakél, hitu halayu mò nmò béléem.”

Tekang Kbuten 24:16

Tey knóón sawang libun yóm Ribika. Yó nmoen, mosol ebè kokol nan e smulu él, ominen bud mulék gu ditu.

Tekang Kbuten 12:14

Tahu se, timbow gefet bè Idyip Abram, ton yó kem tau bè yó tey tilob libun yóm yehenen.

Tekang Kbuten 26:7

Tikóng snólók yó kem logi menwu bè yó Isak gbak bè yehenen Ribika, yó tulónen kul, monen, “Libunu.” Likò tmulón du ke yehenen. Yó hendemen, “Angat hnatay le o anì nwa le béléu, yakà teyen tilob.”

Tekang Kbuten 29:16

Yóm Laban ni, wen lewu ngaen libun. Yó boluy yóm twogu, Liya, ne yóm twoli, Rakél.

Tekang Kbuten 29:30

Bud sentungô Jakub Rakél ne tey kbong nawahen du senta Liya. Ominen yó bud mò nmò bè Laban hitu halay.