Tekang Kbuten 29:15 - Udél Dwata: Gna Kesfasad ne Lomi Kesfasad

¹⁵ Yó mon Laban mò ke Jakub, “Balù yóm kngau kóm, là móyóe du ke laen dù sukéyem bè yóm kmoem nmò béléu. Tulónem dou ke tedu nóyóem mò sukéyu kóm.”

Tekang Kbuten 29:15 Referans Kwoze

Tekang Kbuten 31:7

Ewenem yó, mom snukaten ou ne botong sfolò duléken tendo temles yóm kmò ksukéyen dou. Okóm là hlus Dwata du béléen ke hensideken ou.

Tekang Kbuten 29:16

Yóm Laban ni, wen lewu ngaen libun. Yó boluy yóm twogu, Liya, ne yóm twoli, Rakél.

Tekang Kbuten 31:41

Yó se yóm kdê deng glanu béléem lem yóm lewu folò halay knóu béléem. Botong sfolò fat halayu kegenu mò nmò béléem anì gyehenu yó kem lewu ngaem libun, ne bud nem halayu he na bud mò nmò béléem mò semgyok yó kem ógófem. Lelen yó he, botong sfolò dulékem tendo temles du yóm kmò ksukéyem dou.

Kmukum 9:3

Tahu se, stulón le bè yó kem dumu tau bè Sékém yó kem mà dì Abimélék. Ne yó atul yó kem tau bè Sékém, Abimélék yóm nóyô le mò mogot kul abay se hol kul litô.