Tekang Kbuten 28:1 - Udél Dwata: Gna Kesfasad ne Lomi Kesfasad

¹ Omin Isak htaba ke Jakub ne hnódóhen ne yó monen mò du, “Ó Ngà, hol béi abay myehen bè ni bè kem libun Kanan.

Tekang Kbuten 28:1 Referans Kwoze

Tekang Kbuten 24:3

Móyóe ke smafai mlan bè boluy yóm dou gónó mogot, yóm Dwata mò longit ne tonok. Hol safaem dou yóm là kebelem mò yehen yóm ngau bè ni kem libun Kanan.

Tekang Kbuten 27:46

Sotu kdaw bè yó, yó mon Ribika mò ke Isak, “Denge tey tmakas bélê le ne yó kem tólóng libun yehen Iso. Sélét ne ke tô bud myehen bè ni kem libun Hitayt Jakub, ngunte déke tódóe matay.”

Tekang Kbuten 24:37

Deng hsafaen ou anì nimónu yóm hmoen dou. Yó monen mò do, ‘Hol béi abay mebel yehen yóm ngau bè yó kem libun bè benwu Kanan.

Tekang Kbuten 6:2

Timbow ton yó kem gel nô bè longit tey knóón yó kem ngà le libun yó nmò le, tódô nwa le yóm kul nóyô bélê le mò yehen le.

Dwata 33:1

Ni se yó kem udél Musis yóm tau Dwata, bè yóm kuyagen yó kem tau Israél gu laanen là deng matay, yó monen,

Tekang Kbuten 49:28

Ni se yó kem tau gónó le gu semfu yó kem sfolò lewu but tau bè Israél. Ni se yóm hol són udél tebel mà le bélê le yóm ket kul ne sotu bè yóm koluhen kul.

Tekang Kbuten 48:15

Ominen molu ke Jusif hlanen bè yó kem ngaen, monen, “Yó hem Dwata tehe lolò téméu Abraham ne mau Isak, hol tmóbóng kul ni kem ngà logi ni. Yó hem Dwata tendo malak dou efet nim kmoen ni hol tmóbóng kul.

Tekang Kbuten 34:16

Omin me yó angat hyehen du kuy yó kem ngà me libun, ne angat bud hyehen ye bélê me se yó kem kuy ngà libun, ne menwu me lem blóng ye anì baling tekuy ssotu.

Tekang Kbuten 34:9

Bong hyu se ke gotu hyehen ye bélê me yó kem kuy ngà libun, ne bud hyehen me lu bélê ye snéen yó kem kum ngà libun.

Tekang Kbuten 27:4

Tnógóhem dou yóm utón alì mnóm béléu, ominem mit du edini béléu. Ke deng deng kkenu du, wen oluhu kóm gu laanu là deng matay.”

Tekang Kbuten 24:4

Holi mógów dou ebè yóm benwu tehe gónóhu sut, ne mebeli dou libun bè yó kem dou kwen mò yehen Isak.”

Tekang Kbuten 28:6

Gotu gungol Iso yóm deng kolu maen ke Jakub ne yóm khógówen du etu bè Misuputamya anì myehen ditu. Ne bud gungolen snéen yóm kmon Isak du mò ke Jakub bè yóm koluhen du hol béen abay myehen bè yó kem libun Kanan.

Tekang Kbuten 38:2

Bè yóm knóen bè yó, wen libun Kanan tonen yóm ngà Suha libun ne yehen le du.

Jirimaya 29:6

Myehen ye anì hol ye mból. Hyehen ye lu yó kem ngà ye anì mból le se kul. Hol ye hból.