Tekang Kbuten 27:9 - Udél Dwata: Gna Kesfasad ne Lomi Kesfasad

⁹ Mógówi ebè gónó le nô yó kem ógóf tekuy, méléki lewu ngà kambing mabù mò tnétéu bè maem, tnógóhu béléen yóm utón alì nóyóen.

Tekang Kbuten 27:9 Referans Kwoze

Kmukum 13:15

Là kô tngón Manu du ke hógów Dwata gu bè longit yóm dumun stulón yó, yó monen mò du, “Nam na nô bè ni he, na me tmétê béléem ngà kambing.” Mon yó sem hógów Dwata yó, “Yó sen, naw na nô bè ni okóm là kô kenu du yóm tô hkenem do yó. Okóm ke hol henkenem se o, yake tódô hkekebem ne mò dsuem ebè Dwata.”

1 Samwél 16:20

Tahu se, hwit Jisi Dabid ebè Sol. Wen ngà kambing hwiten du mung bè yóm kudà asnu lemulón ken ne wen sning kulit hnok tifas grép hwiten ebè Sol.

Tekang Kbuten 27:4

Tnógóhem dou yóm utón alì mnóm béléu, ominem mit du edini béléu. Ke deng deng kkenu du, wen oluhu kóm gu laanu là deng matay.”

Tekang Kbuten 27:8

Ne bud mon Ribika mò ke Jakub, “Ne ni Ngà, hnungolem ou ne nmoem nim tulónu kóm ni.

Tekang Kbuten 27:10

Ke sok deng któgóhu du, ominem mkay du ebè maem. Ne wen oluhen kóm gu laanen là deng matay.”

Tekang Kbuten 27:14

Tahu se, lemwót Jakub ne wen kem ngà kambing nwiten ebè yéen mò tnétê le ne tnógó yéen yóm utón alì nóyô maen.