Tekang Kbuten 27:43 - Udél Dwata: Gna Kesfasad ne Lomi Kesfasad

⁴³ Yó nmoem, géhéli lemwót etu bè Haran bè yóm logihu Laban.

Tekang Kbuten 27:43 Referans Kwoze

Tekang Kbuten 27:8

Ne bud mon Ribika mò ke Jakub, “Ne ni Ngà, hnungolem ou ne nmoem nim tulónu kóm ni.

Tekang Kbuten 11:31

Bè yóm kdaw yó, yó nmò Tira nwiten Abram yóm ngaen logi, ne Lat yóm téméen, ne Saray yóm towuhen yehen Abram. Tebelen yóm syudad Ur snakuf Babilun, tô mógów etu bè Kanan. Ngang le mò du mógów efet le kól bè yóm syudad boluyen Haran ne bè yó gónó le henek nô.

Tekang Kbuten 27:13

Ne yó balà yéen du, monen, “Ou he yó ngà gónón e tódô ke wen hmulà maem kóm. Tódô nmoem yóm tulónu kóm. Lemwóti ne, mahi dou kem ngà kambing.”

Kul Nmò 5:29

Yó balà le Pitér du, mon le, “Mom hyu nawa me mimón ke Dwata, olo ke tô nimón me udél tau.

Jirimaya 35:14

Yó kem sfu Rikab là kô le minum tifas grép, abay se deng monen mò kul yóm fù le Jihunadab hol bê le abay minum. Okóm dou, tendo sensulit tulónu kuy ne là kô hnungol ye dou.

Kem Udél Hlalak Tehe Selumun 30:17

Yóm tau sendekaen maen ne là nimónen du yóm yéen tuha yake tódô hlagas lówóhen sok matay anì bè yó gónó wak ne kofi semsesék du.

Tekang Kbuten 28:7

Ne bud tngónen yóm deng kimón Jakub ke maen ne yéen ne yóm kógówen ebè Misuputamya.

Tekang Kbuten 24:29

Yóm Ribika ni, wen logihen boluyen Laban. Bè yóm kungolen du yóm tulón Ribika yó, tódô hetlasik mlóy etu ebè kokol bè gónón nô yóm tóbóng lówó Abraham.

Tekang Kbuten 28:10

Kewót Jakub bè yó bè yóm kun benwu bè Birsiba, mógów etu ebè Haran.

Tekang Kbuten 27:42

Okóm timbow tngón Ribika yóm tô atul Iso, yó gónón tmaba ke Jakub ne monen mò du, “Ó Ngà, ni hnungolem ou. Yóm twoguhem, tô natul hnatayen uu mò belesen yóm deng nmoem béléen.

Tekang Kbuten 28:5

Tahu se, hewót Isak Jakub ebè Misuputamya, ebè Laban yóm ngà Bituél yóm tau Aramiyan. Yóm Laban logi Ribika, yóm yê le Jakub lewu le Iso.

Tekang Kbuten 35:1

Yó udél Dwata ebè Jakub, monen, “Ó Jakub, géhéli mili ebè Bétél ne menwuhi bè yó. Budi semsodò botu mò gónóm demsù ebéléu bè yó. Ou se yóm Dwata tehe hegfan béléem bè yóm tehe kehlóyem hlayuk bè twoguhem Iso.”

Tekang Kbuten 25:20

Deng fat folò ne halay Isak bè yóm kyehenen ke Ribika yóm ngà Bituél libun. Yóm Bituél tau Aramiyan lemwót bè Misuputamya. Yóm Ribika twoli Laban.