Tekang Kbuten 27:41 - Udél Dwata: Gna Kesfasad ne Lomi Kesfasad

⁴¹ Ya tey kutó nawa Iso ke Jakub lemwót bè yóm deng kolu mà le du. Yó hendemen, “Móyónen matay ne yóm mà. Ne ke deng matay, hnatayu Jakub.”

Tekang Kbuten 27:41 Referans Kwoze

Tekang Kbuten 37:4

Timbow ton yó kem twoguhen yóm alì kbong nawa mà le ke Jusif senta yóm kbong nawahen kul, deng mom knutó nawa le Jusif, sónmò le hemskong du.

Kem Udél Hlalak Tehe Selumun 6:14

Laen kô dumu nô lem hendemen, són moen tendo matul mò sidek ne balù kihu lanen mógów són moen sembeweg kem tau.

Tekang Kbuten 37:8

Omin le mon du mò ke Jusif yó kem twoguhen, “Ofo kóm kô ke uu geta bélê me mò mogot kum?” Ne mom milud kutó nawa le ke Jusif lemwót bè yóm knahen yó ne bè yóm gel ktifuen kul.

Tekang Kbuten 32:6

Timbow le bud semfulék yó kem tau hógów Jakub yó, yó tulón le ke Jakub, mon le, “Deng me gu bè twoguhem Iso ne deng sana kól bè lan nan e senlong uu. Botong fat latu tau mung du.”

Taytus 3:3

Tehe yu ekni, tehe wen se kut gel ungel, là kô te gel himón, là se dilô te du yóm ktahuhen. Tey kegfét te bè yóm sidek knóyô lówó te, ne bè yóm dê kenbeyen nawa te. Deng te gu lemen se kut yóm sdù ne yóm sélés nawa ne yóm sutó nawa.

Kem Udél Hlalak Tehe Selumun 1:16

Yakà són mò le módód mò sidek ne eles le htigel bè khatay le tau.

Kem Lingón 142:3

Bè yóm gónóhu là bud gbala, tódô tngón Dwata yóm lan mò lolou. Bè ket tô lanu, wen sù le du yó kem hohonu mò tô alu le dou.

Kem Lingón 37:16

Mom hyu he yóm tau hyu kmoen ne tek udì kimuhen senta yóm tau mò sidek ne tey bong kimuhen.

Kem Lingón 35:14

Tey keblat nawahu bè yóm kwen des le, hol lómón ke hol weu lu, duhen ke kem fes lówóhu lu. Hol lómón ke hol yéu yóm kmò klóngónu kul.

2 Tutul Israél 35:24

Tahu se, nwa yó kem kun tau gu lem yóm klitun tóken ne nili le ebè yóm sotu klitun tók, ne nwit le ebè Jirusalim. Bè yó gónón matay, ne lebeng le bè yóm gónó le lembeng yó kem fuen. Tódô kdê yó kem tau bè Juda ne bè Jirusalim, gotu lemangag ke Jusaya.

Dwata 34:8

Yó kegen kem tau Israél lemangag ke Musis bè yó bè Datal Muab, botong tlu folò butengen.

Tekang Kbuten 35:29

Ne lebeng yó kem lewu ngaen, Iso ne Jakub.

Tekang Kbuten 32:11

Hol hnihu béléem, hol lenwaem ou ke wen sidek tô nmoen béléu yóm twoguhu Iso. Tey sidek klikou, déke sut ne tódô gotu hnatayen mi kdê me, gomong kem libun ne yó kem ngà.

Tekang Kbuten 27:42

Okóm timbow tngón Ribika yóm tô atul Iso, yó gónón tmaba ke Jakub ne monen mò du, “Ó Ngà, ni hnungolem ou. Yóm twoguhem, tô natul hnatayen uu mò belesen yóm deng nmoem béléen.

Tekang Kbuten 32:3

Wen kem tau hógów Jakub tukô gna ebè yóm twoguhen Iso nô bè benwu Idom.

Tekang Kbuten 50:2

Omin Jusif tminok yó kem tau gel hemsù bulung là bolok bè tau matay anì hensù le bulung maen.

Tekang Kbuten 37:18

Hanà tolo mayuk Jusif, deng sana ton yó kem twoguhen ne gu laanen là deng kól bélê le, deng sana sensatul le yóm kmò khatay le du.

Tekang Kbuten 50:15

Kogol yóm deng katay Jakub stulón le sónen lu yó kem twogu Jusif, mon le, “Kyò kut kô na a tolo knutó nawahen tekuy Jusif, bud bnelesen yóm sidek tehe nmò tekuy béléen.”

Kem Udél Hlalak Tehe Selumun 18:19

Ke wen gónó le sgulé yó kem tau swè tey mgel semfyu kul senta yóm mled sotu benwu bong ne senged se yó kem tau sbólów tey mgel semfyu kul.