Tekang Kbuten 27:40 - Udél Dwata: Gna Kesfasad ne Lomi Kesfasad

⁴⁰ Són olo gónóm mowil, són bè sudengem ne balingi tóbóng lówó yóm twolihem. Okóm bè yóm kdaw katuem du angati gewà lem hólólen.”

Tekang Kbuten 27:40 Referans Kwoze

Tekang Kbuten 25:23

Yó mon Dwata mò du, “Yóm bnututem yó, lewu le. Angat wen lewu but benwu tendo sfohon semfu gu bélê le. Kemgis yóm sotuhen, fen là yóm sotuhen. Yóm twogu angat baling tóbóng lówó yóm twoli.”

2 Tutul Israél 21:10

Efet nim kmoen ni, là bud le mogot bè benwu Juda ne yó kem tau Idom. Senged se yóm benwu Libna bè yóm kdaw yó, natuen se kun yóm benwu Juda, abay se deng kenbê Jihuram Dwata yóm Dwata yó kem tehe fuen.

Kem Lingón 60:8

Lemwót yó kem tau bè Muab, lu angat tóbóng lówóhu, ne kem tau Idom mò heseku. Angate hol mensag lemwót bè yóm kegmou bè yó kem tau Flistin.”

2 Tutul Israél 21:8

Bè yóm igò Jihuram mogot benwu, lemwót yó kem tau bè Idom, natù le yóm benwu Juda, ne mélék le tau hol geta mò mogot kul.

Tekang Kbuten 32:6

Timbow le bud semfulék yó kem tau hógów Jakub yó, yó tulón le ke Jakub, mon le, “Deng me gu bè twoguhem Iso ne deng sana kól bè lan nan e senlong uu. Botong fat latu tau mung du.”

Matyu 10:34

“Ilóem ofo kuy ke yó hendufu edini ke naw e sensotu nawa tau te tonok. Là, yó hendufu naw e semkla nawa.

Tekang Kbuten 27:29

Yó kem dumu but tau, baling le tóbóng lówóhem ne mtud le bukol bè soluhem. Uu gónó le kmulu yó kem dumuhem setwoli ne mtud le bukol bè soluhem yó kem dumu ngà yéem logi. Yó kem tau hemmulà kóm angat tnafak Dwata lu. Ne yó kem tau tmóbóng kóm bud tnóbóng Dwata lu.”

Tekang Kbuten 33:9

Okóm yó mon Iso mò du, “Deng tey wen ne dou, Woli. Mò kóm ne yó kem deng gutahem.”