Tekang Kbuten 27:21 - Udél Dwata: Gna Kesfasad ne Lomi Kesfasad

²¹ Yó mon Isak mò ke Jakub, “Yake hlonihi dou edini anì nigófu uu. Holi tahu Iso kô?”

Tekang Kbuten 27:21 Referans Kwoze

Sulat Jim 4:8

Hol ye hloni ebè Dwata anì hloni ebélê ye snéen kun. Yu kem tau mò sidek, kó ye ne yó kem sidek gel nmò ye. Ne yu kem tau hemtedeng knô, hólós ye kmò kehedem ye dé.

Isaya 57:19

Wen kenek nawa blayu kul yóm kdê le, tau moni duhen tau mayuk. Tódô kóhu bè yó kem dou tau yó kem salà le.

Kem Lingón 73:28

Okóm béléu, alì hyu gemnóm du yóm kehlonihu ebè Dwata anì naw e heklung béléen, yóm Dwata hol gónó mogot. Tey hyu gemnóm du snéen yóm gel keheglalagu du yóm kdê gel nmoen.

Tekang Kbuten 27:12

Déke nigófen ou mà ne tngónen yóm ksukatu du. Ke ni se nmou, là kô noluhen dou, deng mom wen hmulaen dou.”

Tekang Kbuten 27:22

Tahu se. Hloni ebè maen Jakub, omin maen migóf du ne monen mò du, “Hol lómón tô udél Jakub yóm udélem okóm yóm sigelem, sigel Iso.”