Tekang Kbuten 26:8 - Udél Dwata: Gna Kesfasad ne Lomi Kesfasad

⁸ Okóm sotu kdaw bè yó, temngel gu tembó bengen Abimélék yóm hol geta bè yó kem Flistin, ne tonen sekef le Isak Ribika.

Tekang Kbuten 26:8 Referans Kwoze

Kem Udél Hlalak Tehe Selumun 7:6

Bè yóm sotu kdaw, temngele e sentu beng yóm dou gónô.

Kmukum 5:28

Lemwót yê Sisira temngel tembó bengen, hendónen kkól ngaen. Yó monen, ‘Moen ni du ke là kóen géhél kól yóm klitunen? Moen du ke là géhél gungol te du uni lebebeg yó kem kudaen?’

Kehedem Tau Tmolok 9:9

Holi hligal smomong du yóm yehenem kenbong nawahem bè yóm klawihem mowil bè yóm klowil laen dù gónón e kól deng blay Dwata kóm lem nim benwu ni. Deng blay Dwata kóm yóm yehenem mò ofolem bè kdê yó kem deng lenitegem dini talak tonok.

Tekang Kbuten 26:7

Tikóng snólók yó kem logi menwu bè yó Isak gbak bè yehenen Ribika, yó tulónen kul, monen, “Libunu.” Likò tmulón du ke yehenen. Yó hendemen, “Angat hnatay le o anì nwa le béléu, yakà teyen tilob.”

Tekang Kbuten 26:9

Tódô kendel htaba Abimélék Isak, ne monen mò du, “Moen ke monem libunem, igoen du se yehenem?” Bnalà Isak, monen, “Likoe déke hnatay le o anì nwa le béléu.”